بٸرٸ گاسترولدٸك ساپاردا كٶلٸگٸ اۋدارىلىپ, اۋرۋحاناعا تٷسكەن. ەندٸ بٸرٸ تٷنگٸ جولدا اپاتقا ۇشىراعان. Ult.kz جول اپاتىنان امان قالىپ, باسىنان ٶتكەنٸن ٶزٸ بايانداعان بەس ەنشٸ تۋرالى دەرەكتەردٸ جيناقتادى.
ەرنار ايدار: «ٶمٸرٸم ٷش سەكۋندتا ٶزگەرٸپ كەتتٸ»
ەرنار ايدار 2017 جىلدىڭ سەۋٸرٸندە گاسترولدٸك ساپار كەزٸندە جول اپاتىنا تٷسكەن. ەنشٸ «جاقسى ادامدارىم» باعدارلاماسىندا سول وقيعانىڭ ٶمٸرٸنە ٷلكەن ٶزگەرٸس ەكەلگەنٸن ايتقان.
ٶنەر يەسٸ اتا-اناسىن الاڭداتپاۋ ٷشٸن اپاتتى كٶپشٸلٸككە بٸلدٸرمەۋگە تىرىسقان. الايدا اۋرۋحاناداعى جەنە زاقىمدانعان كٶلٸكتٸڭ سۋرەتتەرٸ تاراپ, بولعان جاعداي جاقىندارىنا دا جەتكەن.
“بٸر اللا ساقتادى. جول اپاتىندا ٶمٸرٸم ٷش سەكۋندتا ٶزگەرٸپ كەتتٸ”, – دەگەن ەنشٸ.
ەرناردىڭ ايتۋىنشا, كٶلٸك اۋدارىلعاننان كەيٸن جۇمىسى توقتاپ, ەمدەلۋگە مەجبٷر بولعان. وسى جاعداي ونى وتباسىن قۇرۋ تۋرالى شىنداپ ويلاندىرعان. كەيٸن بولاشاق جارى مەدينامەن تانىسىپ, شاڭىراق كٶتەرگەن.
قايرات نۇرتاس: «ٶمٸردٸ باعالاي باستادىم»
قايرات نۇرتاس تا كٶلٸك اپاتىنان كەيٸن ٶمٸرگە دەگەن كٶزقاراسى ٶزگەرگەنٸن جاسىرماعان. ەنشٸنٸڭ وسى وقيعا تۋرالى سٶزٸ 2018 جىلى جارييالانعان.
ول اپات سەتٸندە بٷكٸل ٶمٸرٸ كٶز الدىنان ٶتكەنٸن, قيىن كەزدە جانىندا قالعان ادامداردىڭ قادٸرٸن تٷسٸنگەنٸن جەتكٸزگەن.
“اۋرۋxانادا ٶمٸرگە جاڭا كەلگەندەي بولدىم, ٶمٸردٸ باعالاي باستادىم, جالعىزدىقتى سول كەزدە سەزدٸم!” – دەگەن قايرات نۇرتاس.
ەنشٸ باسىنا ٸس تٷسكەندە قولداۋ كٶرسەتكەندەردٸڭ ساناۋلى بولعانىن ايتىپ, كٶپشٸلٸكتٸ وتباسى مەن جاقىندارىن باعالاۋعا شاقىرعان.
مارجان اراپباەۆا: «استاناعا زورعا جەتتٸك»
مارجان اراپباەۆا تٷنگٸ جولدا اپاتقا ۇشىراعانىن ەلەۋمەتتٸك جەلٸدەگٸ پاراقشاسىندا حابارلاعان. بۇل تۋرالى اقپارات 2025 جىلدىڭ شٸلدەسٸندە جارييالاندى.
ەنشٸنٸڭ ايتۋىنشا, وقيعا استانا باعىتىنداعى تاسجولدا بولعان. ٶنەر يەسٸ اپاتتان امان قالىپ, ٷيٸنە جەتكەنٸنە شٷكٸرشٸلٸك ەتكەن.
“بٸر قۇداي ساقتادى. استاناعا زورعا جەتتٸك. تراسسادا جول اپاتىنا ۇشىراپ, امان قالدىق”, – دەپ جازعان مارجان اراپباەۆا.
ول بولعان جاعدايدى اباي بولۋعا شاقىرعان بەلگٸ رەتٸندە قابىلداپ, ٶمٸردٸڭ قادٸرٸن بۇرىنعىدان دا تەرەڭ سەزٸنگەنٸن ايتقان.
مٶلدٸر ەۋەلبەكوۆا: «بەرٸمٸز امانبىز»
مٶلدٸر ەۋەلبەكوۆا جول اپاتىنا تٷسكەنٸ تۋرالى Instagram پاراقشاسىندا جازعان. ەنشٸنٸڭ حابارلاماسى 2023 جىلعى تامىزدا اقپارات قۇرالدارىندا جارييالانعان.
ول وقيعانىڭ مەن-جايىن تولىق اشپاعانىمەن, جانىنداعى ادامداردىڭ امان ەكەنٸن جەتكٸزٸپ, جۇرتتى جولدا ساق بولۋعا شاقىرعان.
“بٷگٸن جول اپاتىنا ۇشىرادىق. سوعان قاراماستان, جۇمىستا كٷلٸمسٸرەپ جٷرۋگە تۋرا كەلەدٸ. اللاعا شٷكٸر, بەرٸمٸز امانبىز. جولدا اباي بولايىق”, – دەگەن ەنشٸ.
جازباسىنان ٶنەر يەسٸنٸڭ وقىس جاعدايدان كەيٸن دە جۇمىسىن جالعاستىرعانىن اڭعارۋعا بولادى.
كەڭەس ەلٸمجان: «قاراما-قارسى كٶلٸككە سوقتىعىسپادىق»
كەڭەس ەلٸمجان 2025 جىلدىڭ ناۋرىزىندا تارازعا بارا جاتقاندا جول اپاتىنا تٷسكەن. كەيٸن ەنشٸ ۆيدەوٷندەۋ جارييالاپ, جاعدايىن سۇراعان تىڭدارماندارىنا العىس ايتقان.
ٶنەر يەسٸ جولدان شىعىپ كەتۋٸن ۇيقىسىنىڭ قانباۋىمەن بايلانىستىرعان.
“ۋاقىتلى ۇيىقتاماعاننىڭ كەسٸرٸنەن, جولدان شىعىپ كەتٸپ, وسىنداي جول-كٶلٸك اپاتى بولدى. قايتا قاراما-قارسى كٶلٸككە سوقتىعىسپادىق. اللا ٶزٸ ساقتادى”, – دەگەن كەڭەس ەلٸمجان.
ەنشٸ ٶزٸ ٷشٸن الاڭداعان جاندارعا امان ەكەنٸن جەتكٸزٸپ, بٷلٸنگەن كٶلٸكتەن ادامنىڭ ٶمٸرٸ قىمبات ەكەنٸن ايتقان.
