تانىمال بلوگەر بٸرجان ەشٸمنٸڭ ەكەسٸ, مۋزىكانت ساپارعالي ەشٸم ٶمٸردەن ٶتتٸ. قارالى حاباردى ونىڭ كەلٸنٸ ديانا ەليەۆا ەلەۋمەتتٸك جەلٸدە جەتكٸزدٸ, دەپ حابارلايدى ult.kz.
ديانا Instagram پاراقشاسىندا اتاسىمەن بٸرگە تٷسكەن وتباسىلىق سۋرەتتەرٸن جارييالاپ, قازانىڭ جانىنا قاتتى باتقانىن جازدى. ونىڭ سٶزٸنشە, ساپارعالي ەشٸم ٶمٸرٸنٸڭ سوڭعى كٷندەرٸنە دەيٸن ەزٸلدەپ, اينالاسىنا كٶتەرٸڭكٸ كٶڭٸل سىيلاعان.
“ساپارعالي اتامىز ەندٸ ارامىزدا جوق… جانىمىزعا قاتتى باتتى. جٷرەگٸم قارس ايىرىلدى. قالاي عانا بۇلاي بولدى? سەنگٸم كەلمەيدٸ, سەنگٸم كەلمەيدٸ. ٶمٸرٸنٸڭ سوڭعى كٷندەرٸندە دە ەزٸلدەپ جٷردٸ. قاشاندا كٶڭٸلدٸ, ٶمٸرگە قۇشتار جان ەدٸ. جاتقان جەرٸڭٸز جايلى بولسىن, ارداقتى اتامىز”, – دەپ جازدى ول.
بلوگەردٸڭ جارى مارقۇمنىڭ جاقىندارىنا قامقور, كٶپشٸلٸككە سىيلى جان بولعانىن ەسكە الدى. ديانانىڭ ايتۋىنشا, اتاسى ونى تۋعان قىزىنداي قابىلداپ, ٷنەمٸ قولداۋ كٶرسەتكەن.
“اتاشىم ەڭ جاقسى ادام ەدٸ. ادال, ابىرويلى جان بولدى. بەرٸ ونى جاقسى كٶرٸپ, قۇرمەتتەيتٸن. قاشاندا مەنٸڭ جاعىمدا بولىپ, ٶزگەلەردٸڭ جامان سٶزٸنەن قورعادى. قولداۋ كٶرسەتٸپ, تۋعان قىزىنداي قابىلدادى”, – دەپ بٶلٸستٸ ديانا ەليەۆا.
