قازاق ەستراداسىنىڭ تانىمال ەنشٸسٸ مەيرامبەك بەسپاەۆتىڭ 50 جاس مەرەيتويىندا قازاقستاننىڭ حالىق ەرتٸسٸ نۇرعالي نٷسٸپجانوۆ پەن جۇبايى جادىرا ەرەكشە قۇرمەت كٶرسەتتٸ. ٶنەر يەسٸنٸڭ جارى مەرەيتوي يەسٸنە اق تٸلەگٸن ارناپ, نۇرعالي نٷسٸپجانوۆ ساحنادا كيگەن شاپاندى سىيعا تارتتى, دەپ حابارلايدى ult.kz.
قازاق ٶنەرٸنٸڭ بەلگٸلٸ ٶكٸلدەرٸ باس قوسقان مەرەكەلٸك كەشتە جادىرا سەيدەش سٶز سٶيلەپ, مەيرامبەك بەسپاەۆتىڭ ۇلتتىق ەن ٶنەرٸندەگٸ ورنىنا ەرەكشە توقتالدى. ول ەنشٸنٸڭ قازاقتىڭ دەستٷرلٸ ەنشٸلٸك جولىن جالعاپ كەلە جاتقان ٶنەرپازداردىڭ بٸرٸ ەكەنٸن ايتىپ, جٷرەكجاردى تٸلەگٸن جەتكٸزدٸ.
"بٷگٸنگٸ كەش قازاق ٶنەرٸنٸڭ تويى دەپ ايتۋعا بولاتىن كەش. ەنشٸ ەمٸرە بابالارىمىزدىڭ ەۋەنٸن جالعاپ كەلە جاتقان مەنٸڭ مەيرامبەك اعاتايىمداي قازاقتىڭ ۇلدارى بار جەردە قازاقتىڭ ەن ٶنەرٸ ەشقاشان ٶلمەيدٸ. ەڭبەكتەرٸڭٸز جانا بەرسٸن", – دەدٸ ول.
جادىرا سەيدەش مەرەيتوي يەسٸنە تارتۋ ەتٸلگەن شاپاننىڭ ەرەكشە تاريحى بار ەكەنٸن دە ايتتى. ونىڭ سٶزٸنشە, بۇل – نۇرعالي نٷسٸپجانوۆتىڭ ٶزٸ ساحنادا كيٸپ, حالىق الدىندا ٶنەر كٶرسەتكەن شاپانى.
"مىنا شاپان نۇر اعانىڭ ساحناعا كيگەن شاپانى. وسىنى كەۋدەڭٸزدە التىن جۇلدىز جارقىراسىن دەگەن ىرىممەن, نۇر اعانىڭ ٶنەردەگٸ جەمٸستٸ, جەڭٸستٸ جولى بۇيىرسا ەكەن دەگەن نيەتپەن يىعىڭىزعا جابۋعا رۇقسات ەتٸڭٸز. بۇل قاسيەتتٸ ساحنادا نۇر اعانىڭ ەلدٸڭ العىسىن ارقالاعان كەرەمەت شاپان. ەندٸگٸ توي مەيرامبەك اعامىزدىڭ "حالىق ەرتٸسٸ" اتانعان تويىنا جالعاسا بەرسٸن", – دەپ ٸزگٸ تٸلەگٸن بٸلدٸردٸ.
وسىلايشا جادىرا سەيدەش مەيرامبەك بەسپاەۆتىڭ يىعىنا شاپان جاۋىپ, ٶنەردەگٸ جولى اشىق, ابىرويى اسقاق بولۋىن تٸلەدٸ.
بۇل سەت ەلەۋمەتتٸك جەلٸ قولدانۋشىلارىنىڭ دا نازارىن اۋداردى. كٶپشٸلٸك جادىرانىڭ سٶز ساپتاۋىنا, قازاقى تەربيەسٸ مەن ٷلكەنگە دەگەن قۇرمەتٸنە سٷيسٸنٸپ, جىلى پٸكٸرلەر قالدىردى.
دەگەنمەن جەلٸدە ونىڭ مەيرامبەك بەسپاەۆتى "اعاتايىم" دەپ اتاعانىنا قاتىستى دا پٸكٸرلەر ايتىلدى. كەيبٸر قولدانۋشىلار تۋىستىق جولىنا قاراي "قايىن ٸنٸم" دەپ اتاعانى ورىندى بولار ەدٸ دەگەن وي بٸلدٸردٸ.
ايتا كەتەيٸك, مەيرامبەك بەسپاەۆتىڭ 50 جاس مەرەيتويى قازاق ەستراداسىنىڭ تانىمال ٶكٸلدەرٸ باس قوسقان ٷلكەن مەرەكەلٸك كەشكە اينالدى. توي بارىسىندا ٶنەر يەسٸنە ەرٸپتەستەرٸ مەن جاقىندارى اق تٸلەكتەرٸن ارناپ, ەرەكشە سىيلىقتار تابىستادى.
