Qazaq estradasynyń tanymal ánshisi Meirambek Bespaevtyń 50 jas mereitoiynda Qazaqstannyń Halyq ártisi Nurǵali Núsipjanov pen jubaiy Jadyra erekshe qurmet kórsetti. Óner iesiniń jary mereitoi iesine aq tilegin arnap, Nurǵali Núsipjanov sahnada kigen shapandy syiǵa tartty, dep habarlaidy ult.kz.
Qazaq óneriniń belgili ókilderi bas qosqan merekelik keshte Jadyra Seidesh sóz sóilep, Meirambek Bespaevtyń ulttyq án ónerindegi ornyna erekshe toqtaldy. Ol ánshiniń qazaqtyń dástúrli ánshilik jolyn jalǵap kele jatqan ónerpazdardyń biri ekenin aityp, júrekjardy tilegin jetkizdi.
"Búgingi kesh qazaq óneriniń toiy dep aitýǵa bolatyn kesh. Ánshi Ámire babalarymyzdyń áýenin jalǵap kele jatqan meniń Meirambek aǵataiymdai qazaqtyń uldary bar jerde qazaqtyń án óneri eshqashan ólmeidi. Eńbekterińiz jana bersin", – dedi ol.
Jadyra Seidesh mereitoi iesine tartý etilgen shapannyń erekshe tarihy bar ekenin de aitty. Onyń sózinshe, bul – Nurǵali Núsipjanovtyń ózi sahnada kiip, halyq aldynda óner kórsetken shapany.
"Myna shapan Nur aǵanyń sahnaǵa kigen shapany. Osyny keýdeńizde altyn juldyz jarqyrasyn degen yrymmen, Nur aǵanyń ónerdegi jemisti, jeńisti joly buiyrsa eken degen nietpen iyǵyńyzǵa jabýǵa ruqsat etińiz. Bul qasietti sahnada Nur aǵanyń eldiń alǵysyn arqalaǵan keremet shapan. Endigi toi Meirambek aǵamyzdyń "Halyq ártisi" atanǵan toiyna jalǵasa bersin", – dep izgi tilegin bildirdi.
Osylaisha Jadyra Seidesh Meirambek Bespaevtyń iyǵyna shapan jaýyp, ónerdegi joly ashyq, abyroiy asqaq bolýyn tiledi.
Bul sát áleýmettik jeli qoldanýshylarynyń da nazaryn aýdardy. Kópshilik Jadyranyń sóz saptaýyna, qazaqy tárbiesi men úlkenge degen qurmetine súisinip, jyly pikirler qaldyrdy.
Degenmen jelide onyń Meirambek Bespaevty "aǵataiym" dep ataǵanyna qatysty da pikirler aityldy. Keibir qoldanýshylar týystyq jolyna qarai "qaiyn inim" dep ataǵany oryndy bolar edi degen oi bildirdi.
Aita keteiik, Meirambek Bespaevtyń 50 jas mereitoiy qazaq estradasynyń tanymal ókilderi bas qosqan úlken merekelik keshke ainaldy. Toi barysynda óner iesine áriptesteri men jaqyndary aq tilekterin arnap, erekshe syilyqtar tabystady.
