Ánshi Maqpal Júnisova Meirambek Bespaevtyń mereitoiyna qatysa almaýynyń sebebin aitty. Óner iesiniń sózinshe, ol buǵan deiin basqa toilarǵa barýǵa kelisip qoiǵan, dep habarlaidy ult.kz.

Maqpal Júnisova shaqyrtý týraly bir kún buryn bilgenin jetkizdi. Alaida bir-eki ai buryn bergen ýádesinen bas tartýdy jón kórmegen.

“Meirambek, birinshiden, keshe aitty. Meniń bir-eki ai buryn kelisip qoiǵan toilarym bar. Olarǵa qalai taqalǵanda joq deisiń? Sondyqtan úlgermedim. Meirambek, 100 jasa! Halyqqa bereriń kóp bolsyn”, – dedi ánshi.

Aita keteiik, Bespaevtyń toiynda Arman Dúisenovtiń aty erekshe atalyp, áieline qymbat syilyq berildi. 

Meirambek Bespaev kim? 
 

Meirambek Bespaev – qazaqstandyq ánshi, termeshi, “MýzART” tobynyń múshesi, Qazaqstannyń eńbek sińirgen qairatkeri. Ol 1976 jyly Jambyl oblysynda dúniege kelgen. Bala kezinen sahnaǵa shyǵyp, Altynbek Qorazbaevtyń “Boztorǵai” ánin oryndaý arqyly kópshilikke tanylǵan. Altynbek Qorazbaev – onyń ónerdegi ustazy.

Ánshi Tarazdaǵy Glinka atyndaǵy mýzykalyq mekteptiń qobyz synybynda bilim alǵan. Keiin Almatydaǵy Kúlásh Baiseiitova atyndaǵy mýzykalyq mektepte oqýyn jalǵastyrǵan. Repertýarynda “Boztorǵai”, “Kesh jaryq”, “Shash-baýlym”, “Óz elim” sekildi shyǵarmalar bar.

2001 jyly Meirambek Bespaev Sáken Maiǵaziev jáne Maqsat Bazarbaevpen birge “MýzART” tobyn qurǵan. Keiin top quramyna Kenjebek Janábilov qosylǵan. Óner iesi jeke ánshi retinde de, top quramynda da tyńdarman yqylasyna bólendi. Jubaiy – Marhabat, qyzy – Káýsar, uly – Ábýhaiyr.