Qazaqstannyń Halyq ártisi Roza Rymbaevanyń Meirambek Bespaevtyń 50 jas mereitoiynda aitqan sózi áleýmettik jelide qyzý talqyǵa tústi. Ánshiniń er azamattarǵa bergen aqylyn kópshilik ázilkesh Tursynbek Qabatovqa qatystyryp jatyr, dep habarlaidy ult.kz.
Mereitoi barysynda sóz alǵan Roza Rymbaeva ónerdegi er azamattardyń jetistikke jetýine olardyń jubailarynyń qosqan úlesi zor ekenin aitty. Ánshi sahna syrtynda júrip, otbasynyń berekesin saqtap otyrǵan áielderdiń eńbegin baǵalaýǵa shaqyrdy.
"Jigitter, sizderge aitarym bar. Meirambek siiaqty barlyq óner juldyzy otyr. Sizderdiń osylai erkelep, halyqtyń aldynda juldyz bolyp júrgenderińizdiń artynda jubailaryńyz tur. Sizder alysqa ketkende balalaryńyzdy kúni-túni jalǵyz baǵyp, úige kelgende tamaǵyn daiyndap, ailap kútip otyratyn osy jan-jarlaryńyz ǵoi. Qosaǵyńmen qosa aǵar deidi. Meirambektiń osyndai juldyz bolyp júrgeni osy jubaiynyń arqasy dep oilaimyn. Otbasylyq baqyttyń ómirde úlesi kóp", – dedi Roza Rymbaeva.
Óner iesiniń bul sózi jelide jariialanǵannan keiin kópshilik túrli pikir bildirdi. Ásirese, ánshiniń otbasylyq adaldyq pen áiel eńbegi týraly aitqanyn keibir oqyrmandar sol toiǵa qatysqan Tursynbek Qabatovqa jasalǵan tuspal retinde qabyldaǵan.
"Meirambek, saǵan aitam. Tursynbek, sen tyńda", "Myna tilekti tyńdaǵanda Tursynbek pen Aiman ne oilady eken?", "Tursynbekke tiip ketken shyǵar", "Legenda apamyz durys aitty", "Roza apai ádeii aitty. Móldirmen birneshe jobada birge júr. Tursynbektiń betine basý úshin aitty", – dep jazdy jeli qoldanýshylary.
Degenmen Roza Rymbaeva sózinde Tursynbek Qabatovtyń esimin atamaǵan. Onyń tilegin ázilkeshke qatystyrý – áleýmettik jeli qoldanýshylarynyń jeke boljamy.
Aita keteiik, Meirambek Bespaevtyń mereitoiyna Tursynbek Qabatov ta qatysqan. Ol kópshilikke ekinshi jary retinde tanylǵan Aiman Talǵatqyzymen birge kelgen. Osy jait ta Roza Rymbaevanyń sózinen keiingi talqylaýdyń kúsheiýine sebep boldy.
