Almatyda eki kúndik reid barysynda alkogol ónimderin litsenziiasyz satqan 17 kásipker anyqtaldy. Zańsyz ainalymnan 500 litrden astam ishimdik tárkilendi, dep habarlaidy ult.kz.
Polisia.kz málimetinshe, politsiia qyzmetkerleri memlekettik kirister departamentimen birlesip, qaladaǵy 300-den astam saýda jáne oiyn-saýyq nysanyn teksergen.
Nátijesinde litsenziiasyz alkogol satqan 17 kásipkerge qatysty Ákimshilik quqyq buzýshylyq týraly kodekstiń 463-baby boiynsha materialdar rásimdeldi. Budan bólek, saýda talaptaryn buzǵan taǵy 12 kásipker 200-bap boiynsha ákimshilik jaýapkershilikke tartyldy.
Politsiia mundai reidterdiń maqsaty – alkogol ónimderiniń zańsyz ainalymyna tosqaýyl qoiyp, quqyq buzýshylyqtardyń aldyn alý ekenin atap ótti.
