Qyzylordada túzeý mekemesine tyiym salynǵan zat jetkizbek bolǵan turǵyn qolǵa tústi. Ol №60 mekemeniń aýmaǵyna telefon men qýattaǵysh laqtyrýǵa árekettengen, dep habarlaidy ult.kz.
Qylmystyq-atqarý júiesi qyzmetkerleri mekeme mańynda kúdik týdyrǵan azamatty baiqap, der kezinde ustaǵan. Oqiǵa ornyna politsiianyń jedel-tergeý toby shaqyryldy.
Ustalǵan azamatty tekserý kezinde skotchpen oralǵan zattyń ishinen uialy telefon men qýattaǵysh qurylǵysy tabyldy.
Atalǵan derek boiynsha eki azamatqa qatysty Ákimshilik quqyq buzýshylyq týraly kodekstiń 481-baby boiynsha materialdar rásimdelip, sotqa joldandy.
Qyzylorda oblysy boiynsha QAJ departamentiniń jedel tobynyń aǵa jedel ýákili Dastan Saidildinovtiń aitýynsha, jyl basynan beri túzeý mekemelerine tyiym salynǵan zattardy ótkizýge qatysty 15 áreket tirkelgen. Onyń beseýinde telefondardy mekeme aýmaǵyna laqtyrý kózdelse, qalǵan on jaǵdaida tyiym salynǵan zattardy sálem-saýqat arqyly jetkizýge talpynys jasalǵan.
«Tyiym salynǵan zattardy mekemege jetkizýge bailanysty ákimshilik jáne qylmystyq jaýapkershilik qarastyrylǵanyna qaramastan, mundai zańsyz áreketter áli de kezdesedi», – dedi Dastan Saidildinov.
QAJ qyzmetkerleri túzeý mekemeleriniń qaýipsizdigin qamtamasyz etý jáne tyiym salynǵan zattardyń ishke ótýine jol bermeý jumystaryn jalǵastyryp jatyr.
