Abai oblysynyń Jarma aýdanynda ruqsatsyz altyn óndirgen toǵyz adamnyń zańsyz áreketi áshkerelendi. Olar ken qazý kezinde myńdaǵan sharshy metr jerdiń qunarly qabatyn búldirgen, dep habarlaidy ult.kz.
Qarjylyq monitoring agenttiginiń oblystyq departamenti prokýratýranyń úilestirýimen zańsyz ken óndirý shemasynyń jolyn kesti.
Tergeý málimetinshe, kúdiktiler Jańǵyztóbe kentinen 10 shaqyrym jerdegi aýmaqta quramynda altyny bar kendi ashyq ádispen óndirip, arnaiy qurylǵylarmen óńdegen. Zańsyz qazylǵan taý jynystarynyń kólemi 12 myń tekshe metrden asqan. Al 4 myń sharshy metrden astam jerdiń topyraq qabaty búlingen.
Tekserý barysynda tereńdigi 15 metrge jetetin karer tabyldy. Oqiǵa ornynan kendi usaqtap, shaiýǵa arnalǵan jabdyqtar, quramynda altyny bar material salynǵan jeti qap, eki metall izdegish, eki tiegish pen ekskavator tárkilendi.
Zańsyz óndiriske qatysy bar toǵyz adam anyqtaldy. Qazir sotqa deiingi tergep-tekserý jalǵasyp jatyr. Tergeý múddesine bailanysty ózge aqparat jariialanǵan joq.
Eske salaiyq, buǵan deiin Jetisý oblysynda jol jóndeý jumystary kezinde 115 million teńgeniń jer qoinaýy zańsyz óndirilgeni habarlanǵan edi.
