اباي وبلىسىنىڭ جارما اۋدانىندا رۇقساتسىز التىن ٶندٸرگەن توعىز ادامنىڭ زاڭسىز ەرەكەتٸ ەشكەرەلەندٸ. ولار كەن قازۋ كەزٸندە مىڭداعان شارشى مەتر جەردٸڭ قۇنارلى قاباتىن بٷلدٸرگەن, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ وبلىستىق دەپارتامەنتٸ پروكۋراتۋرانىڭ ٷيلەستٸرۋٸمەن زاڭسىز كەن ٶندٸرۋ سحەماسىنىڭ جولىن كەستٸ.
تەرگەۋ مەلٸمەتٸنشە, كٷدٸكتٸلەر جاڭعىزتٶبە كەنتٸنەن 10 شاقىرىم جەردەگٸ اۋماقتا قۇرامىندا التىنى بار كەندٸ اشىق ەدٸسپەن ٶندٸرٸپ, ارنايى قۇرىلعىلارمەن ٶڭدەگەن. زاڭسىز قازىلعان تاۋ جىنىستارىنىڭ كٶلەمٸ 12 مىڭ تەكشە مەتردەن اسقان. ال 4 مىڭ شارشى مەتردەن استام جەردٸڭ توپىراق قاباتى بٷلٸنگەن.
تەكسەرۋ بارىسىندا تەرەڭدٸگٸ 15 مەترگە جەتەتٸن كارەر تابىلدى. وقيعا ورنىنان كەندٸ ۇساقتاپ, شايۋعا ارنالعان جابدىقتار, قۇرامىندا التىنى بار ماتەريال سالىنعان جەتٸ قاپ, ەكٸ مەتالل ٸزدەگٸش, ەكٸ تيەگٸش پەن ەكسكاۆاتور تەركٸلەندٸ.
زاڭسىز ٶندٸرٸسكە قاتىسى بار توعىز ادام انىقتالدى. قازٸر سوتقا دەيٸنگٸ تەرگەپ-تەكسەرۋ جالعاسىپ جاتىر. تەرگەۋ مٷددەسٸنە بايلانىستى ٶزگە اقپارات جارييالانعان جوق.
ەسكە سالايىق, بۇعان دەيٸن جەتٸسۋ وبلىسىندا جول جٶندەۋ جۇمىستارى كەزٸندە 115 ميلليون تەڭگەنٸڭ جەر قويناۋى زاڭسىز ٶندٸرٸلگەنٸ حابارلانعان ەدٸ.
