Sharyn ulttyq parkiniń mańynda zańsyz ań aýlady degen kúdikpen birneshe azamat ustaldy. Kúdiktiler mingen kólikti tekserý kezinde bes janýardyń ushasy anyqtalǵan, dep habarlaidy ult.kz.
Orman sharýashylyǵy jáne janýarlar dúniesi komitetiniń málimetinshe, 7 qarashada ulttyq park inspektorlary aýmaqtyq orman sharýashylyǵy inspektsiiasy jáne Uiǵyr aýdandyq politsiia bóliminiń qyzmetkerlerimen birlesip, kúsheitilgen reid júrgizgen.
«Shonjy – Kókpek – Almaty» avtojolynda toqtatylǵan kólik quqyq qorǵaý organdarynyń kúdigin týdyrǵan. Aldyn ala derek boiynsha, kóliktegi azamattardyń 6 qarashada ulttyq parktiń Temirlik aýmaǵyna jaqyn jerde zańsyz ańshylyqqa qatysy bolýy múmkin.
Tekserý barysynda kólikten qaraquiryqqa uqsas bes janýardyń ushasy tabylǵan. Olardyń naqty túri men jynysy saraptama qorytyndysynan keiin belgili bolady.
Atalǵan derek boiynsha Qylmystyq kodekstiń 337-baby 4-bóliginiń 2-tarmaǵyna sáikes qylmystyq is tirkeldi. Qazir kúdiktilerdiń oqiǵaǵa qatysy men zańsyz ańshylyqtyń barlyq mán-jaiy tekserilip jatyr.
