Qazaqstannyń eńbek sińirgen qairatkeri Meirambek Bespaev 50 jas mereitoiyn týǵan-týystary men ónerdegi áriptesteriniń ortasynda atap ótti, dep habarlaidy ult.kz.
Ánshiniń otbasylyq qýanyshyna arnalǵan saltanatty keshke óner jáne shoý-biznes ókilderi jinaldy.
Mereitoi qonaqtarynyń qatarynda ánshi Nurlan Abdýllin, prodiýser Gúlzira Aidarbekova, ázilkeshter Marat Omar men Nurjan Tólendiev boldy. Óner ieleri bas qosqan dýmannan túsirilgen beinejazbalar áleýmettik jelide jariialandy.
Keshtegi erekshe sátterdiń biri – Meirambek Bespaevtyń kenje qyzymen birge kórinýi. Ánshi mereitoiynda kishkentai qyzyn kópshilikke tanystyryp, otbasymen birge sýretke tústi.
Taraǵan kadrlarda óner iesiniń qyzyn qolyna kóterip turǵanyn kórýge bolady. Qasynda jubaiy da bar.
Aita keteiik, Zattybek shý bolǵan dombyrasyn ulyna syilady.
Meirambek Bespaev kim?
Meirambek Bespaev — qazaq estradasynyń tanymal ánshisi, Qazaqstannyń eńbek sińirgen qairatkeri, «MýzART» tobynyń múshesi. Ol 1976 jylǵy 7 qarashada Jambyl oblysy Talas aýdanynda dúniege kelgen. Ónerge bala kezinen aralasyp, halyqqa erte tanylǵan.
Ánshi bala kúninde «Gaýhartas» ánin oryndaýymen kópshiliktiń yqylasyna bólendi. Qońyr daýsy men ózindik oryndaý máneri onyń ónerdegi qoltańbasyna ainaldy. Repertýarynda halyq ánderi, dástúrli shyǵarmalar jáne estradalyq týyndylar bar.
Meirambek Bespaev Sáken Maiǵaziev jáne Kenjebek Janábilovpen birge «MýzART» tobynda óner kórsetedi. Óner ujymy qazaq tyńdarmanyna keńinen tanylyp, kóptegen áni halyq arasynda oryndalyp júr. Ánshi jeke oryndaýshy retinde de shyǵarmashylyqpen ainalysady.
