Ánshi Maqpal Júnisova Athambek Iýldashevtiń ózine kórsetken qurmetin eske alyp, jyly lebizin bildirdi, dep habarlaidy ult.kz.
Óner iesi onyń kórermenderge gúl taratqan sáti jadynda qalǵanyn aitty. Ánshiniń sózinshe, sol kezde tyńdarmandary da Athambektiń oǵan degen yqylasyna súisingen.
“Kórermenderime kelip gúl taratyp edińiz. Solar “Athambek sizdi qalai jaqsy kóredi” dep tamsanǵan. Biz sizdi qatty syilaimyz. Osy jerge shaqyrtý alǵanda esh oilanbastan baramyn dedim. Bári esimde. Sahnada qolyma kelip altyn braslet taqqanyńyz da esimde”, – dedi Maqpal Júnisova.
Ánshi osylaisha shaqyrtýdy birden qabyldaýyna aradaǵy syilastyq sebep bolǵanyn jetkizdi.
Óz kezeginde Athambek Iýldashev te ánshige qurmetin bildirdi. Ol Maqpal Júnisovany jaqsy kórmeý múmkin emes ekenin aityp, ónerine bas ietinin jetkizdi.
Aita keteiik, Maqpal Júnisova erekshe kezdesýin bólisti.
Athambek Iýldashev kim?
Athambek Iýldashev — Qazaqstan jurtshylyǵyna da tanys ózbek ánshisi. Ol qazaq ónerpazdarymen aralasyp, elimizdegi kontsertter men merekelik keshterge qatysyp júrgen.
2024 jyly Maqpal Júnisovanyń mereitoilyq kontsertinde sahnaǵa shyǵyp, ánshige gúl men tort usynyp, qolyna altyn bilezik taqqan. Maqpal Júnisova sózinde osy oqiǵany eske alyp otyr.
Sondai-aq 2024 jyly kásipker Tursen Alagózovtiń oǵan “Cadillac Escalade” kóligin syilaǵany týraly aqparat jariialanǵan.
