Qazaqstannyń jalpy ishki ónimi 2026 jyldyń qańtar–qazan ailarynda 4,5%-ǵa ósti. Ekonomikalyq ósimge negizinen shikizattyq emes sektor úles qosqan. Ásirese óńdeý ónerkásibi, qurylys jáne kólik salalarynda oń dinamika baiqalady, dep habarlaidy ult.kz.
Ekonomikalyq ósim jedeldedi
Ulttyq statistika biýrosynyń aldyn ala derekterine sáikes, 10 aidaǵy JIÓ ósimi toǵyz aidyń qorytyndysymen salystyrǵanda 0,3 paiyzdyq tarmaqqa joǵary. Al shikizattyq emes sektor 5,6%-ǵa ósken.
Ónerkásip óndirisiniń jalpy kólemi 3,5%-ǵa artty. Onyń ishinde óńdeý ónerkásibiniń ósý qarqyny toǵyz aidaǵy 8,6%-dan 9,3%-ǵa deiin jetti.
Óńdeý ónerkásibinde qai sala alda?
Óńdeý ónerkásibindegi ósim birneshe baǵytta baiqalǵan. Eń joǵary kórsetkish farmatsevtika salasynda tirkeldi.
Atap aitqanda:
- farmatsevtika – 50,9%;
- daiyn metall buiymdaryn óndirý – 30,4%;
- mashina jasaý – 22,2%;
- himiia ónerkásibi – 21,9%;
- rezeńke jáne plastmassa buiymdaryn óndirý – 18,1%;
- tamaq ónimderin óndirý – 13%;
- qurylys materialdaryn óndirý – 5,4%.
Basqa salalardaǵy kórsetkish qandai?
Qurylys salasy 13,1%-ǵa ósip, ekonomikanyń joǵary ósim kórsetken baǵyttarynyń biri boldy. Sonymen qatar kólik jáne qoima salasynda 7,5%, saýdada 6,2%, aýyl sharýashylyǵynda 5,2%, bailanys salasynda 4,9% ósim tirkeldi.
Osylaisha, 2026 jyldyń alǵashqy 10 aiynda Qazaqstan ekonomikasynyń ósimi negizinen shikizattyq emes sektor men óńdeý ónerkásibiniń esebinen qamtamasyz etilgen.
