Qazaqstanda quny 30 million teńge bolatyn páterdi ipotekaǵa alý úshin ai saiyn keminde 700 myń teńge tabys qajet. Al Otbasy bankte bul kórsetkish 306 myń teńgeden bastalady. Alaida eki jaǵdaida da nesie rásimdeý talaptary ártúrli, dep habarlaidy ult.kz.
Krisha.kz málimetinshe, bankter qaryz alýshynyń sońǵy alty aidaǵy resmi jalaqysy men zeinetaqy aýdarymdaryn tekseredi. Jalpy ereje boiynsha, barlyq nesiege tólenetin ai saiynǵy soma tabystyń 50 paiyzynan aspaýy kerek.
Máselen, ekinshi deńgeili bankterden 30 million teńgelik páter alý úshin bastapqy jarnaǵa 4,5-6 million teńge qajet. Qalǵan somany nesiege rásimdegen jaǵdaida ailyq jalaqy 700-950 myń teńge bolýy tiis.
Al Otbasy bankte bastapqy jarna retinde páter qunynyń 50 paiyzyn, iaǵni 15 million teńge jinaý kerek. Onyń esesine paiyzdyq mólsherleme tómen bolǵandyqtan, ai saiynǵy tólem de azaiady.
Budan bólek, ipoteka rásimdeý, páterdi baǵalaý, notariýs jáne saqtandyrý qyzmetterine shamamen 300 myń teńge qarastyrǵan jón.
Mamandar ipoteka alarda ai saiynǵy tólemmen qatar, otbasynyń kúndelikti shyǵyndary men kútpegen jaǵdailarǵa qalatyn qarajatyn da esepteýge keńes beredi.
