Qazaqstanda avtonesie men turǵyn úi qurylys jinaq júiesi arqyly beriletin ipotekaǵa qatysty qaryz júktemesiniń koeffitsientin (QJK) engizý merzimi uzartylmaq. Bul týraly Ulttyq bank tóraǵasy Timýr Súleimenov málimdedi, dep habarlaidy ult.kz.
Onyń aitýynsha, turǵyn úi qurylys jinaq júiesi boiynsha jeńildik kezeńin 2029 jyldyń sońyna deiin taǵy eki jylǵa uzartý josparlanyp otyr. Sebebi bul baǵyttaǵy nesie portfeliniń jaǵdaiy turaqty jáne talaptardy qatańdatýǵa qajettilik joq.
Al avtonesielerge qatysty jeńildik taǵy bir jylǵa uzartylmaq. Osylaisha, 2027 jyldyń 1 qańtarynan bastap avtonesie rásimdeýge qoiylatyn talaptar qatańdatylmaidy.
Timýr Súleimenovtiń sózinshe, buǵan deiin avtonesie naryǵynda ósim qarqyny joǵary bolǵan. Jyldyq ósim 73 paiyzǵa deiin jetip, nesie berý kólemi eki esege artqan. Alaida sońǵy 12 aida bul segmenttegi ósim 13-14 paiyz shamasynda turaqtanǵan.
Aita keteiik, birneshe jyl buryn otandyq avtokólik óndirisin qoldaý maqsatynda jańa kólikterge nesie rásimdeý kezinde qaryz júktemesiniń koeffitsientin esepteý talaby ýaqytsha toqtatylǵan bolatyn. Jeńildik kezeńi 2026 jyldyń sońynda aiaqtalady dep josparlanǵan edi.
