Aqtóbede kólik politseileri sintetikalyq esirtki taratatyn iri arnanyń jolyn kesti. Arnaiy operatsiia barysynda 10 keli alfa-PVP psihotroptyq zaty tárkilenip, esirtki dúkenin jabdyqtaý shemasy áshkerelendi, dep habarlaidy ult.kz.
Polisia.kz málimetinshe, qylmystyq top músheleri anonimdi operatordyń nusqaýymen áreket etip, esirtki dúkeniniń «qoimashylary» bolǵan.
Kúdiktiler jeke turǵyn úidi jalǵa alyp, ony psihotroptyq zattardy ólshep, oraityn orynǵa ainaldyrǵan. Úidi tintý kezinde esirtki salynǵan bes paket tabylǵan.
Tergeý barysynda ustalǵandar kinásin moiyndap, esirtki jasyrylǵan orynnyń mekenjaiyn kórsetken. Sonyń nátijesinde orman alqabynan psihotroptyq zattar salynǵan taǵy 10 paket tárkilendi.
Atalǵan derek boiynsha Qylmystyq kodekstiń 297-baby 3-bóligimen sotqa deiingi tergeý bastaldy. Kúdiktiler qamaýǵa alynǵan. Eger kinási dáleldense, olardyń múlki tárkilenip, 15 jylǵa deiin bas bostandyǵynan aiyrylýy múmkin.
