Qazaqstanda azamattyǵynan shyǵýǵa niet bildirýshiler sany sońǵy jyldary aitarlyqtai azaiǵan. Keiingi segiz jylda mundai ótinishter sany shamamen 40 ese qysqarǵan. Vitse-Prezident Erlan Qarin muny eldegi áleýmettik optimizm deńgeiiniń joǵary bolýymen jáne Qazaqstan tólqujatynyń bedeli artýymen bailanystyrdy, dep habarlaidy ult.kz.
Vitse-Prezidenttiń tóraǵalyǵymen Azamattyq máseleleri jónindegi komissiianyń kezekti otyrysy ótti. Jiyn qorytyndysy boiynsha 255 adamdy Qazaqstan azamattyǵyna qabyldaý týraly Memleket basshysyna usynys engiziledi. Al 43 adamnyń azamattyqtan shyǵý týraly ótinishin qanaǵattandyrý usynylmaq.
Erlan Qarinniń aitýynsha, Qazaqstan tólqujatynyń halyqaralyq deńgeidegi bedeli artyp keledi. Qazir qazaqstandyqtar álemniń 80-ge jýyq eline vizasyz bara alady. Túrli halyqaralyq indeksterde de elimizdiń tólqujaty óńirdegi eń tańdaýly qujattardyń biri sanalady.
«Prezident Qasym-Jomart Toqaev atap ótkendei, tólqujatymyzdyń bedeli jyldan jylǵa nyǵaiyp keledi. Bul Qazaqstannyń tartymdylyǵynyń arta túskenin bildiredi», – dedi Erlan Qarin.
Onyń sózinshe, Qazaqstan azamattyǵyna sheteldik IT jáne biznes salasynyń ókilderi, investorlar, ǵalymdar men mádeniet qairatkerleri de qyzyǵýshylyq tanytyp otyr.
Vitse-Prezident mundai ózgeristerdi Memleket basshysynyń áleýmettik-ekonomikalyq jáne qoǵamdyq-saiasi reformalarymen, sondai-aq halyqaralyq yntymaqtastyq saiasatymen bailanystyrdy.
