Ánshi Jubanysh Jeksenuly Arbatta án aityp júrgen Serikbai esimdi jas ónerpazǵa qoldaý bildirip, birge án shyrqady, dep habarlaidy ult.kz.

Buǵan deiin kóshede óner kórsetip turǵan jigittiń janyna bir áiel kelip, ony synaǵan. Ol ándi kóshede emes, sahnada aitý keregin jetkizgen. Áieldiń bul sózi jas ónerpazdyń namysyna tigen.

Osy jaǵdaidan keiin Jubanysh Jeksenuly Serikbaidy arnaiy shaqyryp, óz komandasymen birge án aitýyna múmkindik bergen. Kópshilikke tanymal ánshiniń qasynan tabylyp, birge óner kórsetý jas jigit úshin qýanyshty sátke ainalǵan.

Serikbai alǵan áserin áleýmettik jelidegi paraqshasynda bólisip, ózine qoldaý kórsetken ánshige rizashylyǵyn bildirdi.

“Qýanyshymda shek joq, raqmet sizge, aǵa!” – dep jazdy jas ónerpaz. 
 

Aita keteiik, Jeńis Ysqaqova ózine qatysty qyzyq suraqqa jaýap berdi.

Jubanysh Jeksenuly kim? 
 

Jubanysh Jeksenuly — qazaq estradasynyń belgili ánshisi. Ol 1974 jyly 23 aqpanda qazirgi Túrkistan oblysy Sozaq aýdanynyń Yntymaq aýylynda dúniege kelgen. Jetisaidaǵy Ǵani Muratbaev atyndaǵy gýmanitarlyq-pedagogikalyq kolledjde bilim alǵan. Óner jolynda Shámshi Qaldaiaqov atyndaǵy Ońtústik Qazaqstan oblystyq filarmoniiasynda, keiin “Gúlder” memlekettik ansamblinde qyzmet etken.

Ánshi tyńdarmanǵa “Ókinbe sen”, “Nurikamal”, “Aýylym”, “Ómir-ózen”, “Qazaqstanym”, “Tamshy” sekildi ánderdi oryndaýymen tanylǵan. Onyń repertýarynda mahabbat, týǵan jer jáne ómir týraly shyǵarmalar bar.

2005 jyly prodiýser Baǵlan Omarovtyń jetekshiligimen “Ókinbe sen” ánine beinebaian túsirip, keiin án jinaǵyn shyǵarǵan. Mádeniet salasyndaǵy eńbegi úshin 2011 jyly “Mádeniet qairatkeri” tósbelgisimen marapattalǵan.