Tanymal ánshi Búrkit enesimen qarym-qatynasy týraly aityp, ony nelikten "mama" dep atamaitynyn túsindirdi. Óner iesi bul týraly «Kóremiz» baǵdarlamasyna bergen suhbatynda bólisti, dep habarlaidy ult.kz.
Ánshiniń aitýynsha, ekeýiniń jas aiyrmashylyǵy nebári bes jyl bolǵandyqtan, ol enesine "mama" dep sóilei almaidy.
"Mama dep aitpaimyn. Bul kisi menen 5-aq jas úlken. Qalai men mama dep aitamyn? Mine, meniń mamam, bireý-aq", – dedi Búrkit.
Suhbat barysynda ánshiniń enesi de qyzy Aisha men Búrkittiń tanystyǵyna qatysty esteligimen bólisti.
Onyń sózinshe, óner iesi alǵashynda Aishany óziniń kontsertine shaqyrǵan. Osylaisha, ánshiniń bolashaq jarymen tanysý tarihy da áńgimege arqaý boldy.
Aita keteiik, Búrkit pen Aisha – qazaqstandyq shoý-biznestegi tanymal ónerli juptardyń biri. Ekeýi shyǵarmashylyqta da, otbasylyq ómirde de birge keledi.
Búrkit kim?
Búrkit – qazaqstandyq tanymal estrada ánshisi, kompozitor, akter, rejisser ári prodiýser. Shyn esimi – Aibek Janseiitov. Ol 1978 jyly 12 shildede Taraz qalasynda dúniege kelgen.
Óner iesi 2002 jyly prodiýser Evgenii Jaǵaltaevpen tanysqannan keiin "Búrkit" sahnalyq atymen jeke shyǵarmashylyǵyn bastaǵan. Kópshilikke "Na kryliah iz serebra", "Medeia", "Habibi" ánderi arqyly tanylǵan.
Ánshilikten bólek, kino salasynda da eńbek etip, 2017 jyly "Logovo", 2018 jyly "Zagadai jelanie" filmderin túsirgen.
2010 jyly ánshi Aishaǵa (Viktoriia Janseiitova) úilenip, búginde jubaiymen birge tórt bala tárbielep otyr. Ónerli jup "Ostrovok", "Týǵan jer", "Asylym" sekildi ánderdi birge oryndaǵan
