Tanymal ázilkesh Tursynbek Qabatovtyń ekinshi jary retinde kópshilikke belgili Aiman Talǵatqyzy jeke kásibin bastap, áielderge arnalǵan kiim brendin tanystyrdy, dep habarlaidy ult.kz.
Aiman Talǵatqyzy qýanyshty jańalyǵyn áleýmettik jelidegi paraqshasynda jariialady. Ol TADDS ataýymen áielderge arnalǵan kiim toptamasyn shyǵaryp, alǵashqy ónimderin kópshilik nazaryna usynǵan. Jańa toptamaǵa túrli tústi ekilik kostiýmder engen. Aimannyń sózinshe, kiim úlgileri kúndelikti kiiýge de, merekelik basqosýlar men mańyzdy kezdesýlerge de jaraidy.
Kásipker kiimderdiń dizainyna ǵana emes, matasynyń sapasy men denege jailylyǵyna da erekshe mán bergen. Ásirese jeńi qaýyrsynmen kómkerilgen kostiýmder kózge túsedi. Sándik áshekei segiz qabat qaýyrsynnan jasalǵan. Ony qalaǵan ýaqytta sheship alýǵa bolady.
"Tazalyqpen, mahabbatpen, uqyptylyqpen, sapamen arnaiy tigilgen ekilik", – dep jazdy Aiman Talǵatqyzy.
Aita keterligi, Aiman jańa toptamasyn tanystyrý úshin arnaiy model jaldamaǵan. Ol ózi ázirlegen kostiýmderdi kiip, olardyń ártúrli tústeri men úlgilerin oqyrmandaryna kórsetken.
Osylaisha, Aiman Talǵatqyzy sán álemine alǵashqy qadamyn jasap, óz brendin damytýǵa kiristi. Qazir ol kiimderin Instagram jelisi arqyly satyp jatyr.
