تانىمال ەنشٸ بٷركٸت ەنەسٸمەن قارىم-قاتىناسى تۋرالى ايتىپ, ونى نەلٸكتەن "ماما" دەپ اتامايتىنىن تٷسٸندٸردٸ. ٶنەر يەسٸ بۇل تۋرالى «كٶرەمٸز» باعدارلاماسىنا بەرگەن سۇحباتىندا بٶلٸستٸ, دەپ حابارلايدى ult.kz.
ەنشٸنٸڭ ايتۋىنشا, ەكەۋٸنٸڭ جاس ايىرماشىلىعى نەبەرٸ بەس جىل بولعاندىقتان, ول ەنەسٸنە "ماما" دەپ سٶيلەي المايدى.
"ماما دەپ ايتپايمىن. بۇل كٸسٸ مەنەن 5-اق جاس ٷلكەن. قالاي مەن ماما دەپ ايتامىن? مٸنە, مەنٸڭ مامام, بٸرەۋ-اق", – دەدٸ بٷركٸت.
سۇحبات بارىسىندا ەنشٸنٸڭ ەنەسٸ دە قىزى ايشا مەن بٷركٸتتٸڭ تانىستىعىنا قاتىستى ەستەلٸگٸمەن بٶلٸستٸ.
ونىڭ سٶزٸنشە, ٶنەر يەسٸ العاشىندا ايشانى ٶزٸنٸڭ كونتسەرتٸنە شاقىرعان. وسىلايشا, ەنشٸنٸڭ بولاشاق جارىمەن تانىسۋ تاريحى دا ەڭگٸمەگە ارقاۋ بولدى.
ايتا كەتەيٸك, بٷركٸت پەن ايشا – قازاقستاندىق شوۋ-بيزنەستەگٸ تانىمال ٶنەرلٸ جۇپتاردىڭ بٸرٸ. ەكەۋٸ شىعارماشىلىقتا دا, وتباسىلىق ٶمٸردە دە بٸرگە كەلەدٸ.
بٷركٸت كٸم?
بٷركٸت – قازاقستاندىق تانىمال ەسترادا ەنشٸسٸ, كومپوزيتور, اكتەر, رەجيسسەر ەرٸ پروديۋسەر. شىن ەسٸمٸ – ايبەك جانسەيٸتوۆ. ول 1978 جىلى 12 شٸلدەدە تاراز قالاسىندا دٷنيەگە كەلگەن.
ٶنەر يەسٸ 2002 جىلى پروديۋسەر ەۆگەنيي جاعالتاەۆپەن تانىسقاننان كەيٸن "بٷركٸت" ساحنالىق اتىمەن جەكە شىعارماشىلىعىن باستاعان. كٶپشٸلٸككە "نا كرىلياح يز سەرەبرا", "مەدەيا", "حابيبي" ەندەرٸ ارقىلى تانىلعان.
ەنشٸلٸكتەن بٶلەك, كينو سالاسىندا دا ەڭبەك ەتٸپ, 2017 جىلى "لوگوۆو", 2018 جىلى "زاگاداي جەلانيە" فيلمدەرٸن تٷسٸرگەن.
2010 جىلى ەنشٸ ايشاعا (ۆيكتورييا جانسەيٸتوۆا) ٷيلەنٸپ, بٷگٸندە جۇبايىمەن بٸرگە تٶرت بالا تەربيەلەپ وتىر. ٶنەرلٸ جۇپ "وستروۆوك", "تۋعان جەر", "اسىلىم" سەكٸلدٸ ەندەردٸ بٸرگە ورىنداعان
