Jiynǵa qatysýshylar Memleket basshysy Qasym-Jomart Toqaevtyń 28 qazandaǵy Joldaýynda aiqyndalǵan basym baǵyttardy talqylap, usynylǵan bastamalardyń ekonomikaǵa, áleýmettik salaǵa jáne óńirlerdiń damýyna yqpalyn saralady, dep habarlaidy ult.kz.
Sarapshylar infraqurylymdy aýqymdy jańǵyrtý máselesine erekshe nazar aýdardy. Prezident Joldaýda elimizdiń barlyq óńirinde áleýmettik, kólik jáne injenerlik nysandar salý josparyn belgiledi. Atap aitqanda, birinshi kezeńde aýrýhanalar, perinataldyq ortalyqtar, jedel járdem stantsiialary men balalardy ońaltý ortalyqtaryn qosa alǵanda, 70-ke jýyq densaýlyq saqtaý nysanyn salý kózdelgen. 2029 jyldyń sońyna deiingi infraqurylymdyq jospardy júzege asyrýǵa Ulttyq qordan shamamen 6,5 trln teńge baǵyttaý josparlanyp otyr.
Filosofiia, saiasattaný jáne dintaný institýtynyń bas ǵylymi qyzmetkeri Viacheslav Dodonov ekonomikalyq damý Prezident Joldaýlaryndaǵy negizgi taqyryptardyń biri bolyp qala beretinin atap ótti. Sonymen qatar ol halyqtyń tabysyn arttyrýdy memlekettik saiasattyń mańyzdy baǵdarynyń biri dep atady.
«Halyqaralyq valiýta qorynyń boljamyna sáikes, biyl Qazaqstannyń jalpy ishki ónimi 400 mlrd dollarǵa jýyqtap, jan basyna shaqqandaǵy JIÓ 19 myń dollardan asady. Bul – makroekonomikalyq turǵydan eleýli kórsetkishter. Alaida ekonomikalyq ósim halyq kúndelikti ómirinde sezine alatyn naqty ózgeristermen qatar júrýi mańyzdy, – dedi sarapshy.
Onyń aitýynsha, aýqymdy qurylys jumystary birqatar salanyń damýyna qosymsha serpin bere alady. Joldar, aýrýhanalar, kólik jáne ózge de nysandar salý qurylys materialdary men qyzmetterge degen suranysty arttyryp, halyqty jumyspen qamtýǵa jáne ilespe infraqurylymdy damytýǵa yqpal etedi. Osylaisha, qurylys jobalarynyń tiimdiligi tek nysandardyń ózimen ǵana shektelmeidi»
Filosofiia, saiasattaný jáne dintaný institýtynyń jetekshi ǵylymi qyzmetkeri Dina Eshpanova da Joldaýdyń áleýmettik baǵytyna nazar aýdardy. Onyń pikirinshe, basty másele – ekonomikalyq kórsetkishter ǵana emes, júzege asyrylyp jatqan reformalardyń azamattardyń ómir sapasyn jaqsartýǵa qanshalyqty yqpal etetini.
«Joldaýdyń negizinde áleýmettik máselelerdi sheshý basymdyqqa ie bolýy kerek degen oi jatyr. Bul – adam ómiriniń jańa sapasyna qol jetkizý týraly másele. Ol úshin áleýmettik infraqurylymdy damytý, meditsinalyq mekemeler, ońaltý jáne perinataldyq ortalyqtar salý qajet. Mundai jobalar kómekke muqtaj otbasylar úshin ǵana emes, keleshek urpaq ósip-jetiletin qolaily orta qalyptastyrý turǵysynan da mańyzdy», – dep atap ótti Dina Eshpanova.
Sarapshy qalalar men óńirlerdiń damýy arasyndaǵy ózara bailanysty da sóz etti. Onyń aitýynsha, iri qalalar ekonomikalyq jáne mádeni belsendiliktiń ortalyǵyna ainalǵanymen, oblystar men aýyldyq eldi mekenderde de qolaily múmkindikter jasalmaiynsha, eldiń turaqty damýyna qol jetkizý múmkin emes. Bul rette zamanaýi infraqurylym qurý, jańa jumys oryndaryn ashý jáne óndiris oryndaryn damytý mańyzdy. Munyń bári adamdarǵa týǵan jerinen jyraqtamai-aq bilim alyp, kásibi turǵydan ósýge múmkindik beredi.
Talqylaýdyń taǵy bir mańyzdy baǵyty energetikalyq qaýipsizdik máselesi boldy. Dina Eshpanova atap ótkendei, ónerkásipti damytý, investitsiia tartý jáne tsifrlandyrý úderisin ilgeriletý úshin senimdi energiiamen jabdyqtaý júiesi qajet. Sondyqtan energetikalyq infraqurylymdy jańǵyrtý jáne jańa generatsiialaý qýattaryn qurý ekonomikanyń damýy úshin ǵana emes, elimizdiń tehnologiialyq mindetterin júzege asyrý turǵysynan da mańyzdy.
Dóńgelek ústelge qatysýshylar kásibi kadrlar daiarlaý, áleýmettik saiasatty damytý jáne belgilengen bastamalardy júieli túrde júzege asyrý qajettigin de talqylady. Sarapshylar pikirin toǵystyrǵan negizgi másele – jariialanǵan josparlardyń halyq kúndelikti ómirinde seziletin naqty ózgeristerge qanshalyqty ulasatyny.
