اقتٶبەدە كٶلٸك پوليتسەيلەرٸ سينتەتيكالىق ەسٸرتكٸ تاراتاتىن ٸرٸ ارنانىڭ جولىن كەستٸ. ارنايى وپەراتسييا بارىسىندا 10 كەلٸ الفا-PVP پسيحوتروپتىق زاتى تەركٸلەنٸپ, ەسٸرتكٸ دٷكەنٸن جابدىقتاۋ سحەماسى ەشكەرەلەندٸ, دەپ حابارلايدى ult.kz.
Polisia.kz مەلٸمەتٸنشە, قىلمىستىق توپ مٷشەلەرٸ انونيمدٸ وپەراتوردىڭ نۇسقاۋىمەن ەرەكەت ەتٸپ, ەسٸرتكٸ دٷكەنٸنٸڭ «قويماشىلارى» بولعان.
كٷدٸكتٸلەر جەكە تۇرعىن ٷيدٸ جالعا الىپ, ونى پسيحوتروپتىق زاتتاردى ٶلشەپ, ورايتىن ورىنعا اينالدىرعان. ٷيدٸ تٸنتۋ كەزٸندە ەسٸرتكٸ سالىنعان بەس پاكەت تابىلعان.
تەرگەۋ بارىسىندا ۇستالعاندار كٸنەسٸن مويىنداپ, ەسٸرتكٸ جاسىرىلعان ورىننىڭ مەكەنجايىن كٶرسەتكەن. سونىڭ نەتيجەسٸندە ورمان القابىنان پسيحوتروپتىق زاتتار سالىنعان تاعى 10 پاكەت تەركٸلەندٸ.
اتالعان دەرەك بويىنشا قىلمىستىق كودەكستٸڭ 297-بابى 3-بٶلٸگٸمەن سوتقا دەيٸنگٸ تەرگەۋ باستالدى. كٷدٸكتٸلەر قاماۋعا الىنعان. ەگەر كٸنەسٸ دەلەلدەنسە, ولاردىڭ مٷلكٸ تەركٸلەنٸپ, 15 جىلعا دەيٸن باس بوستاندىعىنان ايىرىلۋى مٷمكٸن.
