الماتىدا قازاقستان رەپرودۋكتيۆتٸك مەديتسينا قاۋىمداستىعىنىڭ XVIII حالىقارالىق كونگرەسٸ باستالدى. وعان 25 ەلدەن 1000-نان استام مامان قاتىسىپ جاتىر. بيىلعى فورۋم ەلٸمٸزدە ەكستراكورپورالدىق ۇرىقتاندىرۋ (ەكۇ) ارقىلى دٷنيەگە كەلگەن العاشقى بالانىڭ 30 جىلدىعىنا ارنالدى, دەپ حابارلايدى ult.kz.
قازاقستانداعى العاشقى ەكۇ سەبيٸ 1996 جىلعى 31 شٸلدەدە دٷنيەگە كەلگەن.
دەنساۋلىق ساقتاۋ مينيسترٸ اقمارال ەلنازاروۆانىڭ ايتۋىنشا, سوڭعى بەس جىلدا ەلٸمٸزدە انا ٶلٸمٸ تٶرت ەسە, ال نەرەستە ٶلٸمٸ 30 پايىزعا ازايعان.
سونداي-اق مەملەكەت باسشىسىنىڭ تاپسىرماسىمەن ەكۇ باعدارلامالارىن قارجىلاندىرۋ كٶلەمٸ جەتٸ ەسە ۇلعايتىلعان. 2021–2025 جىلدارى «اڭساعان سەبي» باعدارلاماسى اياسىندا شامامەن 34 مىڭ ەيەلگە ەكۇ جاسالعان. ونىڭ 13 مىڭنان استامى جٷكتٸلٸك بويىنشا ەسەپكە الىنىپ, نەتيجەسٸندە 11 مىڭنان استام سەبي دٷنيەگە كەلگەن.
«بۇل تسيفرلاردىڭ ارتىندا انا مەن ەكە بولۋ ارمانىن جٷزەگە اسىرعان مىڭداعان وتباسى تۇر. بۇل – بٸرلەسكەن جۇمىسىمىزدىڭ ەڭ ماڭىزدى نەتيجەسٸ», – دەدٸ مينيستر.
قازٸرگٸ ۋاقىتتا قازاقستاندا قوسالقى رەپرودۋكتيۆتٸك تەحنولوگييالارمەن اينالىساتىن 32 بەيٸندٸ كلينيكا بار. ولار جىل سايىن شامامەن 18 مىڭ پروتسەدۋرا جٷرگٸزەدٸ. جالپى, ەلٸمٸزدە وسى تەحنولوگييالاردىڭ كٶمەگٸمەن دٷنيەگە كەلگەن بالالاردىڭ سانى 50 مىڭنان اسقان.
كونگرەسس بارىسىندا رەپرودۋكتيۆتٸك مەديتسيناداعى جاڭا تەحنولوگييالار, جاساندى ينتەللەكتٸنٸ قولدانۋ, يمپلانتاتسيياعا دەيٸنگٸ گەنەتيكالىق سكرينينگ جەنە ونكوفەرتيلدٸلٸك مەسەلەلەرٸ تالقىلانادى.
