مەملەكەت باسشىسى قاسىم-جومارت توقاەۆ قازاقستاننىڭ ەڭبەك سٸڭٸرگەن قايراتكەرٸ, بەلگٸلٸ ەنشٸ نۇرلان ٶنەرباەۆتى 65 جاسقا تولعان مەرەيتويىمەن قۇتتىقتادى, دەپ حابارلايدى ult.kz.

پرەزيدەنت ٶنەر يەسٸنٸڭ قازاق مۋزىكاسىن دامىتۋعا جەنە ۇلتتىق مەدەني مۇرانى ناسيحاتتاۋعا قوسقان ٷلەسٸن اتاپ ٶتتٸ.

پرەزيدەنتتٸڭ قۇتتىقتاۋ حاتىن مەدەنيەت جەنە اقپارات مينيسترٸ ارمان قىرىقباەۆ استانادا ٶتكەن كەزدەسۋ بارىسىندا ەنشٸگە تابىستادى.

قۇتتىقتاۋ حاتىندا مەملەكەت باسشىسى نۇرلان ٶنەرباەۆتىڭ ٶزٸندٸك ورىنداۋشىلىق مەنەرٸ مەن قوڭىر داۋىسى تىڭدارماننىڭ ىقىلاسىنا بٶلەنگەنٸن اتاپ ٶتكەن.

«ٶزٸڭٸزگە تەن قوڭىر داۋىسىڭىز بەن ەرەكشە ورىنداۋشىلىق مەنەرٸڭٸز تالعامپاز تىڭدارماننىڭ جٷرەگٸنەن ورىن الدى. سٸز دەستٷر ساباقتاستىعىن ساقتاپ, حالىق ەندەرٸ مەن بەلگٸلٸ كومپوزيتورلاردىڭ تاڭداۋلى تۋىندىلارىن ناسيحاتتاۋعا مول ٷلەس قوسىپ كەلەسٸز. ٸزدەنٸسكە تولى شىعارماشىلىق جولىڭىز جەمٸستٸ بولىپ, تالانتتى شەكٸرتتەر تەربيەلەدٸڭٸز», – دەلٸنگەن پرەزيدەنتتٸڭ قۇتتىقتاۋىندا.

ايتا كەتەيٸك, نۇرلان ٶنەرباەاۆتىڭ شاڭىراعىنان قايعىلى حابار جەتتٸ.

نۇرلان ٶنەرباەۆ كٸم? 
 

نۇرلان ٶنەرباەۆ – قازاق ەستراداسىنىڭ بەلگٸلٸ ەنشٸسٸ, اكتەر, قازاقستاننىڭ ەڭبەك سٸڭٸرگەن ەرتٸسٸ ەرٸ ەڭبەك سٸڭٸرگەن قايراتكەرٸ. ول 1961 جىلى 4 قاراشادا قازٸرگٸ تٷركٸستان وبلىسى تٶلە بي اۋدانىندا دٷنيەگە كەلگەن. قوڭىر داۋىسى مەن ٶزٸندٸك ورىنداۋ مەنەرٸ ارقىلى حالىقتىڭ ىقىلاسىنا بٶلەنگەن ٶنەر يەسٸ.

ەنشٸنٸڭ رەپەرتۋارىندا تۋعان جەر, اتا-انا, ماحاببات تاقىرىبىنداعى شىعارمالار مەن حالىق ەندەرٸ بار. تىڭدارمان ونى “قاراعىم-اي”, “اناشىم”, “قازاق قىزى”, “ساعىندىم اۋىلدى”, “جان اعا” سەكٸلدٸ ەندەرٸ ارقىلى جاقسى تانيدى. ونىڭ ورىنداۋىندا “دۋداراي”, “ساندۋعاش”, “بٸر بيداي ارپا” سيياقتى حالىق ەندەرٸ دە كەڭ تاراعان.

نۇرلان ٶنەرباەۆ ٶنەرمەن قاتار, مەدەنيەت پەن اقپارات سالاسىندا باسشىلىق قىزمەتتەر اتقارعان. قازاق راديوسىندا ديكتور, كەيٸن باس ديرەكتور بولىپ جۇمىس ٸستەگەن. الماتى قالاسىنىڭ مەدەنيەت دەپارتامەنتٸن باسقارىپ, قازاقستان پارلامەنتٸ مەجٸلٸسٸنٸڭ دەپۋتاتى بولعان.