قازاقستانعا كٶشٸپ كەلۋدٸ جوسپارلاعان ەتنيكالىق قازاقتار قانداس مەرتەبەسٸن الۋ ٷشٸن بٸرنەشە كەزەڭنەن ٶتۋٸ تيٸس. ولاردىڭ قاتارىندا قازاق تٸلٸنەن تەست تاپسىرۋ, مەملەكەتتٸك ورگانداردىڭ تەكسەرۋٸ جەنە ەڭگٸمەلەسۋ بار. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ تٷسٸندٸردٸ, دەپ حابارلايدى ult.kz.
قانداس مەرتەبەسٸن الۋ رەسٸمٸ توعىز كەزەڭنەن تۇرادى. كٶشٸپ كەلۋشٸلەر الدىن الا قاجەتتٸ قۇجاتتارىن دايىنداپ, قونىستاناتىن ٶڭٸردٸ تاڭداۋى كەرەك.
1. قونىستاناتىن ٶڭٸردٸ تاڭداۋ
قازاقستاندا قونىس اۋدارۋ ٷشٸن جەتٸ ٶڭٸر بەلگٸلەنگەن. كٶشٸپ كەلۋشٸلەر الدىن الا سول ايماقتارداعى تۇرمىس جاعدايى مەن جۇمىسقا ورنالاسۋ مٷمكٸندٸكتەرٸمەن تانىسۋى قاجەت.
2. قازاق تٸلٸنەن تەست تاپسىرۋ
ٷمٸتكەرلەر testcenter.kz سايتىندا قازتەست سىناعىنان ٶتەدٸ. تەست تىڭدالىم جەنە وقىلىم بٶلٸمدەرٸنەن تۇرادى. ەر بٶلٸمدە 60 سۇراق بار. تاپسىرمالاردى سەتتٸ ورىنداۋ ٷشٸن ەر بٶلٸمدەگٸ سۇراقتاردىڭ كەمٸندە 70 پايىزىنا دۇرىس جاۋاپ بەرۋ قاجەت.
3. ساۋالناما تولتىرۋ
ٷمٸتكەر ساۋالنامادا بٸلٸمٸ, ەڭبەك ٶتٸلٸ, كەسٸبي داعدىلارى, تٸل بٸلۋ دەڭگەيٸ, دەنساۋلىق جاعدايى جەنە وتباسى قۇرامى تۋرالى اقپارات بەرەدٸ. وسى مەلٸمەتتەر نەگٸزٸندە بالدىق باعالاۋ (سكورينگ) جٷرگٸزٸلەدٸ.
4. مەملەكەتتٸك ورگانداردىڭ تەكسەرۋٸ
ٶتٸنٸش بەرۋشٸ ۇسىنعان مەلٸمەتتەردٸ قازاقستاننىڭ ۇلتتىق قاۋٸپسٸزدٸك كوميتەتٸ مەن ٸشكٸ ٸستەر مينيسترلٸگٸ تەكسەرەدٸ.
5. ەڭگٸمەلەسۋدەن ٶتۋ
تەكسەرۋ اياقتالعاننان كەيٸن ٷمٸتكەرمەن ەڭگٸمەلەسۋ جٷرگٸزٸلەدٸ. ونىڭ قورىتىندىسى بويىنشا تيٸستٸ شەشٸم قابىلدانادى.
6. قانداس مەرتەبەسٸن الۋ
بالدىق باعالاۋدان سەتتٸ ٶتكەن ٷمٸتكەر قانداس مەرتەبەسٸن بەرۋ تۋرالى ٶتٸنٸش بەرە الادى.
7. مەملەكەتتٸك قولداۋ الۋ
ٶڭٸرلٸك كۆوتاعا ەنگٸزٸلگەن كٶشٸپ كەلۋشٸلەرگە جول جٷرۋ, تۇرعىن ٷيدٸ جالداۋ جەنە كوممۋنالدىق قىزمەتتەر اقىسىن تٶلەۋ ٷشٸن سۋبسيدييا قاراستىرىلعان.
8. بەيٸمدەلۋ جەنە جۇمىسقا ورنالاسۋ
ارنايى ورتالىقتار قانداستارعا قۇجات رەسٸمدەۋ, جۇمىس ٸزدەۋ جەنە بالالارىن بٸلٸم بەرۋ ۇيىمدارىنا ورنالاستىرۋ مەسەلەلەرٸ بويىنشا كٶمەكتەسەدٸ.
9. تۇراقتى تۇرۋعا رۇقسات الۋ
قازاقستاندا تۇراقتى تۇرۋ ٷشٸن تيٸستٸ رۇقسات الۋ قاجەت. ودان كەيٸن ەلدە تۇرۋعا ىقتييارحات رەسٸمدەۋگە بولادى.
وسى كەزەڭدەردٸڭ بارلىعىنان ٶتٸپ, قانداس مەرتەبەسٸن العان ازاماتتار كٶشۋ, تۇرعىن ٷي جەنە جۇمىسقا ورنالاسۋ بويىنشا مەملەكەتتٸك قولداۋ شارالارىن پايدالانا الادى.
