2027 جىلى قۇربان ايتتىڭ العاشقى كٷنٸ جەكسەنبٸگە سەيكەس كەلەدٸ. الايدا كەلەسٸ دٷيسەنبٸ, 17 مامىر, قازاقستاندىقتار ٷشٸن جۇمىس كٷنٸ بولىپ قالادى. سەبەبٸ دٸني مەرەكەگە بايلانىستى دەمالىس كٷنٸ اۆتوماتتى تٷردە اۋىستىرىلمايدى, دەپ حابارلايدى ult.kz.
قازاقستان مۇسىلماندارى دٸني باسقارماسى 2027 جىلعى دٸني مەرەكەلەر كٷنتٸزبەسٸن بەكٸتتٸ. وعان سەيكەس, قۇربان ايت 16-18 مامىر ارالىعىندا ٶتەدٸ. ال ەڭبەك كودەكسٸنە سەيكەس, مەرەكەنٸڭ تەك العاشقى كٷنٸ عانا دەمالىس بولىپ سانالادى.
نەلٸكتەن دەمالىس كٷنٸ اۋىستىرىلمايدى?
قۇربان ايت مەملەكەتتٸك جەنە ۇلتتىق مەرەكەلەر قاتارىنا جاتپايدى. سوندىقتان ونىڭ العاشقى كٷنٸ جەكسەنبٸگە سەيكەس كەلگەن جاعدايدا دەمالىس كەلەسٸ جۇمىس كٷنٸنە كٶشٸرٸلمەيدٸ.
قر ەڭبەك كودەكسٸنٸڭ 84-بابىنا سەيكەس, قۇربان ايتتىڭ العاشقى كٷنٸ جۇمىس رەجيمٸنە قاراماستان دەمالىس كٷنٸ بولىپ ەسەپتەلەدٸ. بٸراق ونى دٷيسەنبٸگە اۋىستىرۋ قاراستىرىلماعان.
2027 جىلعى دٸني مەرەكەلەر كٷنتٸزبەسٸ:
- 8 اقپان – رامازان ايىنىڭ باستالۋى;
- 5-نەن 6 ناۋرىزعا قاراعان تٷن – قادٸر تٷنٸ;
- 9 ناۋرىز – ورازا ايت;
- 15 مامىر – اراپا كٷنٸ;
- 16-18 مامىر – قۇربان ايت.
وسىلايشا, بەس كٷندٸك جۇمىس اپتاسىندا 9 ناۋرىز, 17 جەنە 18 مامىر ەدەتتەگٸ جۇمىس كٷندەرٸ بولادى.
قۇربان ايتتىڭ العاشقى كٷنٸ جۇمىس ٸستەگەندەرگە قالاي اقى تٶلەنەدٸ?
ەگەر قىزمەتكەر 16 مامىردا جۇمىسقا شىقسا, وعان ٶتەماقى قاراستىرىلعان. ەڭبەك كودەكسٸنٸڭ 85 جەنە 109-باپتارىنا سەيكەس, قىزمەتكەر باسقا دەمالىس كٷنٸن الۋعا نەمەسە ەڭبەكاقىسىنىڭ كەمٸندە بٸر جارىم ەسەلەنگەن مٶلشەردە تٶلەنۋٸن تاڭداۋعا قۇقىلى.
مىسالى, بٸر كٷندٸك ەڭبەكاقىسى 20 مىڭ تەڭگە بولسا, مەرەكە كٷنٸ جۇمىس ٸستەگەنٸ ٷشٸن كەمٸندە 30 مىڭ تەڭگە تٶلەنۋٸ كەرەك.
اۋىسىمدىق نەمەسە ۆاحتالىق جۇمىس كەستەسٸمەن ٸستەيتٸن قىزمەتكەرلەردٸ بۇل كٷنٸ جۇمىسقا تارتۋ ٷشٸن بٶلەك جازباشا كەلٸسٸم تالاپ ەتٸلمەيدٸ. ال باسقا قىزمەتكەرلەرگە قاتىستى زاڭدا بەلگٸلەنگەن تالاپتار ساقتالۋى تيٸس.
قۇربان ايتتىڭ كٷنٸ ٶزگەرۋٸ مٷمكٸن بە?
قمدب مەلٸمەتٸنشە, دٸني مەرەكەلەردٸڭ ناقتى كٷنٸ جاڭا ايدىڭ كٶرٸنۋٸنە بايلانىستى بٸر كٷنگە ٶزگەرۋٸ مٷمكٸن.
ەگەر قۇربان ايتتىڭ العاشقى كٷنٸ 17 مامىرعا اۋىسسا, دٷيسەنبٸ دەمالىس بولادى. ال مەرەكە 15 مامىردا باستالسا, سەنبٸ دەمالىس كٷنٸ بولىپ ەسەپتەلەدٸ.
