الماتى قالاسىندا 21-24 قازان كٷندەرٸ ارالىعىندا IV حالىقارالىق «Almaty Puppet Festival – 2026» قۋىرشاق تەاترلار فەستيۆالٸ ٶتتٸ. الماتى قالاسى ەكٸمدٸگٸنٸڭ قولداۋىمەن مەملەكەتتٸك اكادەمييالىق قۋىرشاق تەاترى ۇيىمداستىرعان فەستيۆالگە 11 ەلدەن 14 تەاتر ۇجىمى, 150-دەن استام قۋىرشاق شەبەرلەرٸ قاتىستى, دەپ حابارلايدى ult.kz.
2023 جىلى باستاۋ العان حالىقارالىق كەزدەسۋ بيىل تٶرتٸنشٸ مەرتە ٶتكٸزٸلدٸ. فەستيۆال تٷركييا, رەسەي, يتالييا, فرانتسييا, يران, مولدوۆا, ەزٸربايجان, گرۋزييا, ٶزبەكستان, قىرعىزستان جەنە قازاقستان تەاترلارىن بٸرٸكتٸردٸ. ەلٸمٸزدەن استانا, قوستاناي جەنە جەتٸساي قالالارىنىڭ ۇجىمدارى ٶنەر كٶرسەتتٸ.
تٶرت كٷندٸك باعدارلاما كٶرەرمەندەردٸ تٷرلٸ ەلدەردٸڭ ۇلتتىق ساحنالىق دەستٷرلەرٸمەن, قۋىرشاقتى جٷرگٸزۋ تەسٸلدەرٸمەن جەنە رەجيسسەرلٸك شەشٸمدەرٸمەن تانىستىردى. تەاتر ماماندارى شىعارماشىلىق تەجٸريبەسٸمەن بٶلٸسٸپ, سپەكتاكلدەر تٶڭٸرەگٸندە كەسٸبي پٸكٸر الماستى.
فەستيۆال باعدارلاماسىندا يراننىڭ تەگەران قالاسىنان كەلگەن «Deemak» تەاترى «مارشمەللوۋ», تٷركييانىڭ ىستانبۇل قالاسىنان كەلگەن «كاراگٶز» تەاترى «ەلەم جۇلدىزدارىنىڭ شوۋى», فەرعانا وبلىستىق قۋىرشاق تەاترى (ٶزبەكستان) «چەمودان», گياندجا مەملەكەتتٸك قۋىرشاق تەاترى (ەزٸربايجان) «كوت ۆ ساپوگاح» سپەكتاكلدەرٸن ۇسىندى. ال مۇسا جانگازيەۆ اتىنداعى قىرعىز مەملەكەتتٸك قۋىرشاق تەاترى (قىرعىزستان, بٸشكەك) «پەگيي پەس, بەگۋششيي كراەم موريا», تاتار مەملەكەتتٸك اكادەمييالىق «ەكييات» قۋىرشاق تەاترى (رەسەي, تاتارستان, كازان) «ادەمنەر», استانا قالاسى ەكٸمدٸگٸنٸڭ «قۋىرشاق تەاترى» «قاعازدى جاڭبىر» سپەكتاكلدەرٸن ساحنالادى. سونداي-اق, مولدوۆانىڭ كيشينەۆ قالاسىنان كەلگەن «Izvorașul Vesel» قۋىرشاق تەاترى «پرينتسەسسا كراپينكا», وزۋرگەتي قالاسىنىڭ الەكساندر تسۋتسۋناۆا اتىنداعى كەسٸبي مەملەكەتتٸك دراما تەاترى (گرۋزييا) «The Dog», ال ەكاتەرينبۋرگتٸڭ «توحوت» تەاترى (رەسەي) «زۆەرسكيي دەتەكتيۆ» سپەكتاكلدەرٸن كٶرەرمەن نازارىنا ۇسىندى.
اشىلۋ سالتاناتىندا مەملەكەتتٸك اكادەمييالىق قۋىرشاق تەاترى روبوت-قۋىرشاقتى تانىستىردى. ساحنالىق باعدارلاماعا قاتىسقان ەرەكشە كەيٸپكەر دەستٷرلٸ قۋىرشاق ٶنەرٸ مەن زاماناۋي تەحنولوگييانى ۇشتاستىرۋعا باعىتتالعان تەجٸريبە بولدى. قۋىرشاقتى باسقارۋدىڭ جاڭا مٷمكٸندٸكتەرٸن كٶركەمدٸك ماقساتتا قولدانۋ تەاتردىڭ شىعارماشىلىق ٸزدەنٸستەرٸنٸڭ بٸرٸ رەتٸندە ۇسىنىلدى.
قاتىسۋشى تەاترلاردىڭ سپەكتاكلدەرٸن كەسٸبي قازىلار القاسى باعالادى. قازىلار القاسىنىڭ تٶراعاسى: تەاترتانۋشى, قازاقستاننىڭ ەڭبەك سٸڭٸرگەن قايراتكەرٸ, پروفەسسور, م. ەۋەزوۆ اتىنداعى قازاق ۇلتتىق دراما تەاترىنىڭ ديرەكتورى ەركٸن جۋاسبەك. قازىلار قۇرامىنا: تەاترتانۋشى, ٶنەرتانۋ كانديداتى, پروفەسسور, قازاقستان حالىقارالىق تەاتر سىنشىلارى بٸرلەستٸگٸنٸڭ مٷشەسٸ مەرۋەرت جاقسىلىقوۆا; تەاترتانۋشى, تەاتر سىنشىسى, ٶنەرتانۋ كانديداتى, دوتسەنت, زاھير يسماعيلوۆ اتىنداعى ۋفا مەملەكەتتٸك ٶنەر ينستيتۋتىنىڭ ٶنەر تاريحى جەنە تەوريياسى كافەدراسىنىڭ مەڭگەرۋشٸسٸ ايسىلۋ ساگيتوۆا; مەملەكەتتٸك اكادەمييالق قۋىرشاق تەاترىنىڭ كٶركەمدٸك جەتەكشٸسٸ, رەجيسسەر, اكتەر كۋبانىچبەك ادىلوۆ كٸردٸ.
فەستيۆال قورىتىندىسى بويىنشا گران-پري «ٷزدٸك سپەكتاكل» جٷلدەسٸن مۇسا جانگازيەۆ اتىنداعى قىرعىز مەملەكەتتٸك قۋىرشاق تەاترى يەلەندٸ.
«ٷزدٸك رەجيسسەر» نوميناتسيياسى تاتار مەملەكەتتٸك اكادەمييالىق «ەكييات» قۋىرشاق تەاترىنا; «ٷزدٸك اكتەرلٸك انسامبل» نوميناتسيياسى استانا قالاسى ەكٸمدٸگٸنٸڭ «قۋىرشاق تەاترىنا»; «ٷزدٸك قۋىرشاق جٷرگٸزۋشٸ» نوميناتسيياسى «Izvorașul Vesel» قۋىرشاق تەاترىنا; «ٷزدٸك سۋرەتشٸ» نوميناتسيياسى الەكساندر تسۋتسۋناۆا اتىنداعى كەسٸبي مەملەكەتتٸك دراما تەاترىنا; «جاڭاشىل كٶزقاراس» نوميناتسيياسى «توحوت» تەاترىنا تابىستالدى.
IV حالىقارالىق «Almaty Puppet Festival – 2026» تٷرلٸ تەاتر مەكتەپتەرٸنٸڭ تەجٸريبەسٸن بٸر ساحنادا توعىستىردى. فەستيۆال الماتى كٶرەرمەنٸنە قۋىرشاق ٶنەرٸنٸڭ سان الۋان ٷلگٸلەرٸن ۇسىنۋمەن قاتار, قاتىسۋشى ۇجىمداردىڭ كەسٸبي بايلانىسىن نىعايتۋعا جەنە بٸر-بٸرٸنٸڭ شىعارماشىلىق تەسٸلدەرٸمەن تانىسۋىنا مٷمكٸندٸك بەردٸ.
