قازاقستاندا اۆتونەسيە مەن تۇرعىن ٷي قۇرىلىس جيناق جٷيەسٸ ارقىلى بەرٸلەتٸن يپوتەكاعا قاتىستى قارىز جٷكتەمەسٸنٸڭ كوەففيتسيەنتٸن (قجك) ەنگٸزۋ مەرزٸمٸ ۇزارتىلماق. بۇل تۋرالى ۇلتتىق بانك تٶراعاسى تيمۋر سٷلەيمەنوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, تۇرعىن ٷي قۇرىلىس جيناق جٷيەسٸ بويىنشا جەڭٸلدٸك كەزەڭٸن 2029 جىلدىڭ سوڭىنا دەيٸن تاعى ەكٸ جىلعا ۇزارتۋ جوسپارلانىپ وتىر. سەبەبٸ بۇل باعىتتاعى نەسيە پورتفەلٸنٸڭ جاعدايى تۇراقتى جەنە تالاپتاردى قاتاڭداتۋعا قاجەتتٸلٸك جوق.
ال اۆتونەسيەلەرگە قاتىستى جەڭٸلدٸك تاعى بٸر جىلعا ۇزارتىلماق. وسىلايشا, 2027 جىلدىڭ 1 قاڭتارىنان باستاپ اۆتونەسيە رەسٸمدەۋگە قويىلاتىن تالاپتار قاتاڭداتىلمايدى.
تيمۋر سٷلەيمەنوۆتٸڭ سٶزٸنشە, بۇعان دەيٸن اۆتونەسيە نارىعىندا ٶسٸم قارقىنى جوعارى بولعان. جىلدىق ٶسٸم 73 پايىزعا دەيٸن جەتٸپ, نەسيە بەرۋ كٶلەمٸ ەكٸ ەسەگە ارتقان. الايدا سوڭعى 12 ايدا بۇل سەگمەنتتەگٸ ٶسٸم 13-14 پايىز شاماسىندا تۇراقتانعان.
ايتا كەتەيٸك, بٸرنەشە جىل بۇرىن وتاندىق اۆتوكٶلٸك ٶندٸرٸسٸن قولداۋ ماقساتىندا جاڭا كٶلٸكتەرگە نەسيە رەسٸمدەۋ كەزٸندە قارىز جٷكتەمەسٸنٸڭ كوەففيتسيەنتٸن ەسەپتەۋ تالابى ۋاقىتشا توقتاتىلعان بولاتىن. جەڭٸلدٸك كەزەڭٸ 2026 جىلدىڭ سوڭىندا اياقتالادى دەپ جوسپارلانعان ەدٸ.
