قىزىلوردا وبلىسىندا كريپتوۆاليۋتانى زاڭسىز ايىرباستاپ, ەسٸرتكٸ ساۋداسىنان تٷسكەن اقشانى زاڭداستىرعان ەكٸ ادام سوتتالدى. ولار Binance پلاتفورماسىنىڭ P2P قىزمەتٸ ارقىلى 1 ملرد تەڭگەدەن استام سوماعا تسيفرلىق اكتيۆتەر ساتقان, دەپ حابارلايدى ult.kz.
تەرگەۋ مەلٸمەتٸنشە, سوتتالعاندار تيٸستٸ رۇقساتسىز جەنە «استانا» حالىقارالىق قارجى ورتالىعىنىڭ ساۋدا الاڭدارىنان تىس جەردە كريپتوۆاليۋتا ايىرباستاۋمەن اينالىسقان. زاڭسىز وپەراتسييالاردان تٷسكەن تابىس 178 ملن تەڭگەگە جەتكەن.
سونىمەن قاتار ولاردىڭ بٸرٸ ەسٸرتكٸ ساۋداسىنان تٷسكەن اقشانى زاڭداستىرۋعا قاتىسقان. ول ٷشٸن كٷدٸكتٸلەر ٶزدەرٸنٸڭ بانك شوتتارىن پايدالانۋعا بەرگەن ادامداردى, ياعني دروپپەرلەردٸ تارتقان. وسى شوتتار ارقىلى 600 ملن تەڭگەدەن استام قاراجات اۋدارىلعان.
كەيٸن اقشا كريپتوۆاليۋتاعا ايىرباستالىپ, ەسٸرتكٸ ساتۋشىلاردىڭ كريپتوەميياندارىنا جٸبەرٸلگەن. مۇنداي اۋدارىمداردىڭ جالپى كٶلەمٸ 277 مىڭ USDT بولعان.
سوتتالعاندار قىلمىستىق جولمەن تاپقان اقشاسىنا جٷك كٶلٸكتەرٸ مەن تٸركەمەلەر ساتىپ الىپ, ولاردى جاقىن تۋىستارىنىڭ اتىنا رەسٸمدەگەن. كەيٸن تەحنيكانى كەسٸپكەرلٸك ماقساتتا پايدالانىپ, زاڭدى تۇلعالارعا جالعا بەرگەن.
سوت ٷكٸمٸمەن بٸرٸنە ٷش جىل, ەكٸنشٸسٸنە ەكٸ جىل باس بوستاندىعىن شەكتەۋ جازاسى تاعايىندالدى. سونىمەن قاتار تٶرت ارنايى تەحنيكا مەن قىلمىستىق جولمەن الىنعان 1 ملرد تەڭگەدەن استام تابىس مەملەكەت پايداسىنا تەركٸلەندٸ.
ٷكٸم زاڭدى كٷشٸنە ەندٸ.
