Almatyda dárigerler sebepsiz kúlki ustamalarynan zardap shekken segiz jastaǵy balaǵa kúrdeli neirohirýrgiialyq operatsiia jasady. Tekserý nátijesinde balanyń miynan sirek kezdesetin gamartoma anyqtalǵan, dep habarlaidy ult.kz.
Operatsiia №2 Balalar qalalyq klinikalyq aýrýhanasynda qazaqstandyq neirohirýrgter men Germaniiadan kelgen mamannyń birlesýimen ótti.
Dárigerlerdiń málimetinshe, bala týǵannan bastap birqatar nevrologiialyq buzylystarǵa shaldyqqan. Onyń ishinde sebepsiz kúlý ustamalary, uiqy men sóileý buzylystary, psihikalyq jáne sóileý damýynyń tejelýi, bas aýrýy jáne esinen taný jaǵdailary bolǵan.
Mamandar balanyń jaǵdaiyna midyń belgili bir bóliginde ornalasqan sirek patologiia – gamartoma sebep bolǵanyn anyqtaǵan. Bul isik epilepsiialyq ustamalardy qozdyrǵan.
Bala birneshe jyl boiy dárigerlerdiń baqylaýynda bolyp, dári-dármekpen em qabyldaǵan. Buǵan deiin oǵan hirýrgiialyq aralasýlar da jasalǵan. Alaida emge qaramastan, ustamalar toqtamaǵandyqtan, taǵy bir ota jasaý týraly sheshim qabyldanǵan.
Operatsiiaǵa Germaniiadaǵy «Sharite» ýniversitettik klinikasynyń balalar neirohirýrgiiasy bólimshesiniń meńgerýshisi, professor Ýlrih-Vilgelm Tomale qatysqan.
Hirýrgter neironavigatsiia jáne operatsiia kezindegi neiromonitoring tehnologiialaryn qoldanyp, gamartomany mikrohirýrgiialyq ádispen alyp tastaǵan. Bul tehnologiialar midyń mańyzdy fýnktsionaldyq aimaqtaryn zaqymdamai, operatsiiany joǵary dáldikpen jasaýǵa múmkindik beredi.
Halyqaralyq master-klass aiasynda mamandar barlyǵy bes kúrdeli operatsiia jasaǵan. Sonymen qatar qazaqstandyq dárigerlerge praktikalyq sabaqtar ótkizilip, naýqastarǵa konsýltatsiia berilgen.
Aita keteiik, is-shara «Dobrovolnoe Obshestvo Miloserdie» qoǵamdyq qorynyń qarjylyq qoldaýymen uiymdastyrylǵan. Qazaqstandyq dárigerler balalar neirohirýrgiiasy men epilepsiiany hirýrgiialyq jolmen emdeý baǵyttaryn damytýdy jalǵastyryp jatyr.
