Akter Oljas Abai Dariǵa Badyqovamen shańyraq kótergenin otbasy qalai qabyldaǵanyn jáne burynǵy jubaiy Aimira Amanmen qazirgi qarym-qatynasyn aitty, dep habarlaidy ult.kz.

Óner iesiniń sózinshe, jaqyndary onyń úilengenine qýanyp, Dariǵany jyly qabyldaǵan. Akter biraz ýaqyt jalǵyz júrgendikten, otbasy oǵan alańdaǵanyn jetkizdi.

“Úidegiler qýanyp qaldy. Óte jaqsy qabyldady. Jalǵyz júrgenimnen bári qoryqqan ǵoi. Sońǵy ýaqyttarda dostarymnyń toiyna da barmai qoiyp edim”, – dedi Oljas Abai.

Sondai-aq akter eki balasynyń anasy Aimira Amanmen aradaǵy qarym-qatynasyna toqtaldy. Ol burynǵy otbasyna qatysty mindetterin atqaryp júrgenin, ákelik jaýapkershiligin nazardan tys qaldyrmaǵanyn aitty.

“Barlyǵy jaqsy. Osyndai dúnie, osyndai toi jasap otyryp, bir jaǵym jaqsy, ekinshi jaǵym aqsap turǵan joq. Bári retteýli. Ákelik paryzym, bári óz ornymen. Ol jaqta eshqandai qiyndyq joq”, – dedi akter.

Aita keteiik, Dariǵa Badyqova ótkenin aityp, kóz jasyna erik berdi.

Oljas Abai kim? 
 

Oljas Abai — qazaqstandyq teatr jáne kino akteri, ánshi. Eskeldi aýdanyndaǵy Nurmolda Aldabergenov aýylynda dúniege kelgen.

Óner iesi ánshilik ortada “Ochoý” laqap atymen de tanylǵan. Suhbatynda akterlikti eshbir mamandyqqa aiyrbastai almaitynyn aitqan.

2011 jyly Temirbek Júrgenov atyndaǵy Qazaq ulttyq óner akademiiasyn drama jáne kino akteri mamandyǵy boiynsha bitirgen. Kórermenge “Qara shańyraq” telehikaiasy arqyly tanyla bastaǵan. Keiin “Báseke”, “Áýlet” jobalaryna qatysqan. Akterlikpen qatar án shyǵaryp, oryndaýshylyqpen de ainalysqan.