«Qazaqmys» Tobyna kiretin «Jomart» kenishine ken óndirý jumysyna arnalǵan jańa Epiroc Boomer M1 ózdiginen júretin burǵylaý qondyrǵysy jetkizildi. Zamanaýi tehnika kenjardy jarylys jumysyna daiyndaý barysinda tespeni mehanikalandyrylǵan tásilmen burǵylaý úshin paidalanylady, dep habarlaidy Ult.kz.
Qondyrǵy belgilengen shema boiynsha burǵylaý júrgizýge múmkindik beretin gidravlikalyq perforatory bar burǵylaý jebesimen jabdyqtalǵan. Negizgi eksplýatatsiialardyń mehanikalandyrylýy burǵylaý jumysynyń qajetti dáldigin qamtamasyz etip, taý-ken qazbalaryn úńgileý tiimdiligin arttyrýǵa yqpal etedi.
Jańa tehnikinyń jetkizilýi – «Qazaqmys» proizvoditsynyń taý-ken shahta jabdyqtaryn jańartý baǵdarlamasy aiasynda júzege asyrylyp jatqan jumysynyń bir bóligi. 2026 jyly jabdyq satyp alýǵa 21,1 mlrd teńge qarastyryldy. Onyń ishinde 21 burǵylaý qondyrǵysyn satyp alýǵa 4,65 mlrd teńge bólindi.
Sondai-aq jyl sońyna deiin jerasty geologiialyq barlaý jumysyna arnalǵan úsh Diamec PHC 4 burǵylaý qondyrǵysy jetkiziledi dep kútilýde. Tehnikalyq parkti jańartý jabdyqtardyń senimdiligin arttyrýǵa, óndiristik úderisti mehanikalandyrýǵa jáne jer asty taý-ken jumysyn júrgizý kezinde qaýipsiz eńbek jaǵdaiyn qamtamasyz etýge baǵyttalǵan.
