Aktrisa Dariǵa Badyqova ózine jylýlyq pen qamqorlyq jetispegenin aityp, jeke ómirindegi sezimderimen bólisti, dep habarlaidy ult.kz.

Óner iesiniń aitýynsha, kópshiliktiń yqylasyna bólený adamnyń jeke ómirindegi mahabbat pen qoldaýdyń ornyn toltyra bermeidi. Ekranda túrli obrazdy somdap júrgenimen, kúndelikti ómirde onyń da sheshimin taba almaityn máseleleri, qinalatyn kezderi bar.

“Men ónerimmen ǵana erekshemin. Al ómirde men de qarapaiym adammyn. Meniń de júregim bar. Men de kóp nárseni sheshe almaimyn, qiyndyqtar bolady. Iá, maǵan jylýlyq jetispedi. Halyqtyń mahabbatyna bólený bir bólek, al seniń jeke ómiriń bar ǵoi. Ekeýi – eki bólek mahabbat”, – dedi aktrisa.

Dariǵa Badyqova bireýdiń qamqorlyǵyn sezinip, arqa súiegisi kelgenin de jasyrmady. Ol únemi ózin qorǵaýǵa májbúr bolýdan sharshaǵanyn jetkizdi.

“Men jylýlyq, qamqorlyq, qorǵanys izdedim. Ózimdi qorǵap júrýden sharshadym. Biraq qorǵanyp júrsem de, maǵan oq tietinin túsindim”, – dep bólisti óner iesi.

Aita keteiik, 

Dariǵa Badyqova kim?

Dariǵa Badyqova — qazaqstandyq teatr jáne kino aktrisasy, prodiýser. Ol 1980 jylǵy 3 qańtarda Túrkistan oblysynyń Abai aýylynda dúniege kelgen. Muhtar Áýezov atyndaǵy Qazaq ulttyq drama teatrynda eńbek etken.

Kópshilikke “Kelinjan” telehikaiasyndaǵy Aisara róli arqyly keńinen tanyldy.

Komediialyq obrazdarymen kórermen yqylasyna bólengen aktrisa kino óndirisinde de baǵyn synady. “Taptym-aý seni” filminde basty róldi somdap, prodiýseri boldy. Shyǵarmashylyq jumystarymen qatar, áleýmettik jelide ómiri men ónerine qatysty oilaryn bólisip turady.