اكتريسا داريعا بادىقوۆا ٶزٸنە جىلۋلىق پەن قامقورلىق جەتٸسپەگەنٸن ايتىپ, جەكە ٶمٸرٸندەگٸ سەزٸمدەرٸمەن بٶلٸستٸ, دەپ حابارلايدى ult.kz.

ٶنەر يەسٸنٸڭ ايتۋىنشا, كٶپشٸلٸكتٸڭ ىقىلاسىنا بٶلەنۋ ادامنىڭ جەكە ٶمٸرٸندەگٸ ماحاببات پەن قولداۋدىڭ ورنىن تولتىرا بەرمەيدٸ. ەكراندا تٷرلٸ وبرازدى سومداپ جٷرگەنٸمەن, كٷندەلٸكتٸ ٶمٸردە ونىڭ دا شەشٸمٸن تابا المايتىن مەسەلەلەرٸ, قينالاتىن كەزدەرٸ بار.

“مەن ٶنەرٸممەن عانا ەرەكشەمٸن. ال ٶمٸردە مەن دە قاراپايىم اداممىن. مەنٸڭ دە جٷرەگٸم بار. مەن دە كٶپ نەرسەنٸ شەشە المايمىن, قيىندىقتار بولادى. يە, ماعان جىلۋلىق جەتٸسپەدٸ. حالىقتىڭ ماحابباتىنا بٶلەنۋ بٸر بٶلەك, ال سەنٸڭ جەكە ٶمٸرٸڭ بار عوي. ەكەۋٸ – ەكٸ بٶلەك ماحاببات”, – دەدٸ اكتريسا.

داريعا بادىقوۆا بٸرەۋدٸڭ قامقورلىعىن سەزٸنٸپ, ارقا سٷيەگٸسٸ كەلگەنٸن دە جاسىرمادى. ول ٷنەمٸ ٶزٸن قورعاۋعا مەجبٷر بولۋدان شارشاعانىن جەتكٸزدٸ.

“مەن جىلۋلىق, قامقورلىق, قورعانىس ٸزدەدٸم. ٶزٸمدٸ قورعاپ جٷرۋدەن شارشادىم. بٸراق قورعانىپ جٷرسەم دە, ماعان وق تيەتٸنٸن تٷسٸندٸم”, – دەپ بٶلٸستٸ ٶنەر يەسٸ.

ايتا كەتەيٸك, 

داريعا بادىقوۆا كٸم?

داريعا بادىقوۆا — قازاقستاندىق تەاتر جەنە كينو اكتريساسى, پروديۋسەر. ول 1980 جىلعى 3 قاڭتاردا تٷركٸستان وبلىسىنىڭ اباي اۋىلىندا دٷنيەگە كەلگەن. مۇحتار ەۋەزوۆ اتىنداعى قازاق ۇلتتىق دراما تەاترىندا ەڭبەك ەتكەن.

كٶپشٸلٸككە “كەلٸنجان” تەلەحيكاياسىنداعى ايسارا رٶلٸ ارقىلى كەڭٸنەن تانىلدى.

كومەدييالىق وبرازدارىمەن كٶرەرمەن ىقىلاسىنا بٶلەنگەن اكتريسا كينو ٶندٸرٸسٸندە دە باعىن سىنادى. “تاپتىم-اۋ سەنٸ” فيلمٸندە باستى رٶلدٸ سومداپ, پروديۋسەرٸ بولدى. شىعارماشىلىق جۇمىستارىمەن قاتار, ەلەۋمەتتٸك جەلٸدە ٶمٸرٸ مەن ٶنەرٸنە قاتىستى ويلارىن بٶلٸسٸپ تۇرادى.