ەلەۋمەتتٸك جەلٸلەردە 17 قاراشادا ەلەمدە جاپپاي كيبەرشابۋىل بولىپ, بانك شوتتارىنداعى اقشا جوعالادى, ال ينتەرنەت ٷش ايعا دەيٸن ٶشٸرٸلەدٸ دەگەن اقپارات تارادى. وسىعان بايلانىستى جۇرتشىلىققا ازىق-تٷلٸك پەن سۋ قورىن جيناۋعا كەڭەس بەرٸلگەن. الايدا بۇل مەلٸمەتتەر شىندىققا جاناسپايدى. ورتالىق كوممۋنيكاتسييالار قىزمەتٸنٸڭ جالعان اقپاراتقا قارسى ٸس-قيمىل ورتالىعى قاۋەسەتتٸڭ قايدان شىققانىن انىقتاپ, ونىڭ نەگٸزگٸ تۇستارىن جوققا شىعاردى, دەپ حابارلايدى ult.kz.
ورتالىقتىڭ مەلٸمەتٸنشە, دٷربەلەڭگە سەبەپ بولعان العاشقى جازبا 1 قاراشادا X ەلەۋمەتتٸك جەلٸسٸندە جارييالانعان. Wesley لاقاپ اتىمەن تٸركەلگەن قولدانۋشى «داركنەتتەگٸ انونيمدٸ دەرەككٶزگە» سٸلتەمە جاساپ, الداعى تسيفرلىق اپات تۋرالى حابار تاراتقان. كەيٸن وعان كەيبٸر ەلدەر تٶتەنشە جاعدايعا دايىندالۋعا كەڭەس بەردٸ دەگەن اقپارات قوسىلىپ, قاۋەسەت ودان ەرٸ ٶرشٸگەن.
ماماندار بانك شوتتارىنداعى قاراجاتتى بٸر عانا كيبەرشابۋىل ارقىلى جاپپاي جويۋ تۋرالى مەلٸمدەمەنٸڭ نەگٸزسٸز ەكەنٸن تٷسٸندٸردٸ. بانكتەردٸڭ دەرەكتەرٸ بٸرنەشە ورتالىقتا ساقتالادى, ال قارجى ۇيىمدارىندا اقپاراتتىق جٷيەلەردٸ قالپىنا كەلتٸرۋ جوسپارلارى بولۋى تيٸس.
ينتەرنەتتٸڭ ٷش ايعا ٶشٸرٸلەتٸنٸ تۋرالى دا رەسمي دەلەل جوق. برازيلييانىڭ Boatos.org فاكتچەكينگ رەسۋرسى مۇنداي اقپاراتتى راستايتىن دەرەككٶز تابىلماعانىن حابارلادى.
ال 17 قاراشاعا قاتىستى شىنايى اقپارات – اقش-تا تٶتەنشە جاعدايلار جٶنٸندەگٸ حابارلاۋ جٷيەسٸنٸڭ جوسپارلى سىناعى ٶتەدٸ. ونىڭ بارىسىندا راديو مەن تەلەارنالاردا بٸر مينۋتتىق سىناق سيگنالى بەرٸلەدٸ. بۇل شارانىڭ جاھاندىق كيبەرشابۋىلعا قاتىسى جوق.
قازاقستاندا دا ينتەرنەتتٸڭ ٶشٸرٸلەتٸنٸ تۋرالى ەسكەرتۋ جاسالماعان. تٶتەنشە جاعدايلار مينيسترلٸگٸ مۇنداي مەلٸمەتتٸ جوققا شىعاردى. «قازاقتەلەكوم» اق جەلٸنٸڭ شتاتتىق رەجيمدە جۇمىس ٸستەپ تۇرعانىن حابارلادى. كيبەرشابۋىلدى تالداۋ جەنە تەرگەۋ ورتالىعى دا قاۋەسەتتٸڭ رەسمي دەرەككٶزدەردە راستالماعانىن مەلٸمدەدٸ.
ماماندار ازاماتتاردى تەكسەرٸلمەگەن اقپاراتتى تاراتپاۋعا جەنە «اقشاڭىزدى كيبەرشابۋىلدان قورعايمىز» دەگەن كٷمەندٸ ۇسىنىستارعا سەنبەۋگە شاقىرادى.
