باتىس قازاقستان وبلىسىندا ايتۆ ينفەكتسيياسى انىقتالعان 10 ادامنىڭ قازٸرگٸ جٷرگەن جەرٸ بەلگٸسٸز. ولاردى ٸزدەستٸرۋگە پوليتسييا قىزمەتكەرلەرٸ دە جۇمىلدىرىلعان, دەپ حابارلايدى ult.kz.
ٶڭٸرلٸك دەنساۋلىق ساقتاۋ باسقارماسى مەلٸمەتٸنشە, بيىل توعىز ايدا وبلىستا ايتۆ جۇقتىرۋدىڭ 44 جاڭا جاعدايى تٸركەلگەن. ٶتكەن جىلدىڭ وسى كەزەڭٸندە 55 ادامنان ينفەكتسييا انىقتالعان. ياعني بيىلعى كٶرسەتكٸش تٶمەندەگەنٸمەن, مەسەلە ٶزەكتٸلٸگٸن جوعالتقان جوق.
قازٸرگٸ ۋاقىتتا ٶڭٸردە ايتۆ دياگنوزىمەن 755 ادام ديسپانسەرلٸك ەسەپتە تۇر. بيىل ولاردىڭ ٷشەۋٸ قايتىس بولعان. بىلتىر وسى كەزەڭدە تٶرت ٶلٸم جاعدايى تٸركەلگەن.
دەرٸگەرلەردٸڭ تۇراقتى باقىلاۋىندا ينفەكتسييا جۇقتىرعان 11 جٷكتٸ ەيەل بار. ولاردىڭ التاۋى بوسانعان. سالىستىرمالى تٷردە ايتساق, ٶتكەن جىلى 13 جٷكتٸ ەيەل ەسەپتە تۇرىپ, توعىزى سەبي دٷنيەگە ەكەلگەن.
ٶڭٸردە بيىل بەس جاستاعى بالادان دا ايتۆ انىقتالعان. ەپيدەميولوگييالىق تەكسەرۋ نەتيجەسٸندە ينفەكتسييانىڭ بالاعا اناسىنان بەرٸلگەنٸ بەلگٸلٸ بولعان.
دەنساۋلىق ساقتاۋ باسقارماسىنىڭ مەلٸمەتٸنشە, مەديتسينالىق كٶمەك كٶرسەتۋ, قان قۇيۋ نەمەسە ستوماتولوگييالىق ەمشارالار كەزٸندە ينفەكتسييا جۇقتىرۋ دەرەكتەرٸ تٸركەلمەگەن.
ايتا كەتەيٸك, بۇعان دەيٸن پاۆلودار وبلىسىندا 10 جەنە 11 جاستاعى ٶگەي قىزدارىنا جىنىستىق زورلىق-زومبىلىق كٶرسەتٸپ, ولارعا ايتۆ جۇقتىرعان ەر ادامعا سوت ٷكٸمٸ شىققان بولاتىن. ول ٶمٸر بويىنا باس بوستاندىعىنان ايىرىلدى.
