Belgili akter ári rejisser Nurtas Adambaidyń jubaiy Ǵaliia Adambai kúieýiniń psiholog Tórebek Bekbaevtyń yqpalyna túskenin aityp, otbasyndaǵy kelispeýshilikterdiń sebebin túsindirdi. Onyń sózinshe, psihologtyń ustanymdary erli-zaiyptylardyń qarym-qatynasyna syzat túsirip qana qoimai, balalardyń tárbiesine de áser etip jatyr, dep habarlaidy ult.kz.
Ǵaliia Adambai Instagram paraqshasynda birneshe jazba jariialap, psiholog Tórebek Bekbaevtyń kózqarastaryn synǵa aldy. Ol atalǵan mamannyń ideialaryn ustanatyn adamdardy "sekta" dep atap, bul baǵytqa "tórebekshina" degen ataý bergen. Onyń aitýynsha, bul kózqarasty jaqtaityndar balany óz erkinen tys eshteńege májbúrleýge bolmaidy dep esepteidi. Ǵaliia mundai ustanym balanyń densaýlyǵy men qaýipsizdigine qatysty máselelerde de qiyndyq týǵyzatynyn alǵa tartty.
Ásirese balalardy kúndelikti tazalyqqa daǵdylandyrý, durys tamaqtandyrý jáne qajet kezde dárigerge aparý máselesinde kúieýimen jii kelise almaitynyn jetkizdi.
"Kún saiyn tańerteń úsh jastaǵy balanyń tisin tazalatý úshin kúresýge týra keletin úide ómir súrý – naǵyz azap. Sebebi ákesi qyzynyń óz erkinen tys eshteńe istegenin qalamaidy. Balalarǵa qunarly, paidaly, durys tamaq berý úshin de kún saiyn kúresýge týra keledi", – dep jazdy ol.
Ǵaliianyń sózinshe, kúieýi óz densaýlyǵyna kelgende muqiiat bolǵanymen, balalaryna qatysty máselede basqasha ustanym tanytady. Akter durys tamaqtanyp, qajetti dárilerin qabyldaidy, sondai-aq elektrondy qurylǵylardy qoldaný ýaqytyn shekteidi.
Al balalaryna dál osyndai tártip ornatý máselesinde erli-zaiyptylardyń pikiri ekige bólingen. Ǵaliia Adambai mundai kelispeýshilikterdiń bes jyldan beri jalǵasyp kele jatqanyn málimdedi.
"Sekta osylai jumys isteidi. Onyń zardabyn balalar men áielder tartady. Men barlyq qujattar men mamandardyń qorytyndysyn jariialaimyn. Onyń ýaqyty keledi. Ázirge men úshin balalarymnyń jaǵdaiy birinshi orynda", – dedi ol.
"Úndemei qalýyma múmkindik bermei otyr"
Rejisserdiń jubaiy bastapqyda otbasyndaǵy máselelerdi kópshilikke jariia etpeýge bel býǵanyn aitty. Alaida kúieýiniń keiingi áreketterinen soń únsiz qala almaǵanyn jetkizdi.
"Kúieýim meniń "tórebekshina sektasy" týraly úndemei qalýyma múmkindik bermei otyr. Óziniń qorqytýy men aqylǵa qonymsyz áreketteri arqyly meni ári qarai sóileýge májbúrleidi", – dep jazdy Ǵaliia.
Ol aldaǵy ýaqytta óz sózin rastaidy dep esepteitin qujattar men mamandardyń qorytyndylaryn kópshilik nazaryna usynýǵa nietti.
Aita keteiik, bul – Ǵaliia Adambaidyń jeke málimdemesi. Onyń psihologtyń yqpaly men otbasyndaǵy jaǵdaiǵa qatysty aitqan aiyptaýlary táýelsiz túrde rastalǵan joq. Usynylǵan aqparatta Nurtas Adambai men Tórebek Bekbaevtyń osy málimdemelerge qatysty jaýaby keltirilmegen.
Buǵan deiin Nurtas Adambai suhbattarynyń birinde dinge qatysty burynǵy keibir pikirlerine ókinetinin aitqan edi. Rejisser óz ustanymyn ózgelerge kúshtep tańýdyń durys emes ekenin moiyndap, mundai áreket adamdardy dinnen alystatýy múmkin ekenin jetkizgen. Sondai-aq ol kezinde fýtbol oinaýǵa jáne kórýge qarsy pikir bildirgenin eske alyp, sol kezdegi kózqarasyna qatysty túsinikteme bergen bolatyn.
Nurtas Adambai kim?
Nurtas Adambai – qazaqstandyq akter, rejisser, stsenarist ári prodiýser. Ol 1981 jyly 14 jeltoqsanda Taraz qalasynda dúniege kelgen.
Abylai han atyndaǵy Qazaq halyqaralyq qatynastar jáne álem tilderi ýniversitetinde halyqaralyq qatynastar mamandyǵy boiynsha bilim alǵan. Óner jolyn KVN sahnasynan bastap, "Astana.kz" komandasynyń quramynda óner kórsetti.
Keiin "Nasha KZasha" ázil-syqaq baǵdarlamasy arqyly kópshilikke tanylyp, "Kelin Sabina", "Taraz", "Ákim" filmderin túsirdi.
Sondai-aq ol Nurtas Production prodiýserlik stýdiiasynyń negizin qalaǵan.
