Pavlodar oblysynda kásipkerlikti damytýǵa berilgen memlekettik granttardy maqsatsyz paidalanǵan 14 azamat anyqtaldy. Prokýratýranyń aralasýynan keiin memleketke 18 mln teńge qaitaryldy, dep habarlaidy ult.kz.
Ertis aýdanynyń prokýratýrasy memlekettik granttardyń jumsalýyna tekserý júrgizgen. Nátijesinde 14 grant alýshy óz mindettemelerin oryndamaǵany belgili boldy.
Atap aitqanda, olardyń keibiri málimdegen biznes-jobalaryn múlde iske asyrmaǵan, endi biri tek ishinara oryndaǵan. Sonymen qatar bólingen qarajattyń bir bóligi jeke jáne tutynýshylyq qajettilikterge jumsalǵan.
Budan bólek, grant qarajatynyń jumsalǵany týraly esepter jobalardyń naqty iske asyrylǵanyn jáne josparlanǵan nátijelerge qol jetkizilgenin rastamaǵan.
Prokýratýra qabyldaǵan sharalardyń nátijesinde memleketke 18 mln teńge qaitaryldy. Úsh talap aryz boiynsha sot prokýratýranyń talabyn qanaǵattandyrǵan. Taǵy 11 is boiynsha qarajatty qaitarý týraly mediatsiialyq kelisimder jasalǵan.
Aita keteiik, memlekettik granttar azamattarǵa aýyl sharýashylyǵy, óndiris, qyzmet kórsetý jáne basqa da salalardaǵy biznes-jobalardy júzege asyrý úshin qaitarymsyz negizde beriledi.
