ەنەرگەتيكا مينيسترٸ ەرلان اقكەنجەنوۆ ٷكٸمەت وتىرىسىندا جىلىتۋ ماۋسىمىنىڭ ٶتۋ بارىسى, كٶمٸر قورى جەنە ەلٸمٸزدٸڭ قالالارىنداعى توزىعى جەتكەن جىلۋ جەلٸلەرٸن اۋىستىرۋ جۇمىستارى تۋرالى باياندادى, دەپ حابارلايدى Ult.kz.
ۆەدومستۆونىڭ مەلٸمەتٸنشە, بيىل جٶندەۋ جۇمىستارىنا بٶلٸنگەن قارجى كٶلەمٸ 27%-عا ۇلعايتىلدى. ەنەرگەتيكتەر 8 ەنەرگوبلوكتى, 49 قازاندىقتى, 37 تۋربينانى, 17 مىڭ شاقىرىمنان استام ەلەكتر بەرۋ جەلٸسٸن جەنە 377 شاقىرىم جىلۋ ماگيسترالٸن جٶندەۋدەن ٶتكٸزدٸ. نەتيجەسٸندە ەلەكتر ستانتسييالارىنىڭ توزۋ دەڭگەيٸ 52%-عا, ال جىلۋ جەلٸلەرٸنٸڭ توزۋ دەڭگەيٸ 48%-عا دەيٸن تٶمەندەدٸ.
«قازٸرگٸ جىلىتۋ ماۋسىمى شتاتتىق رەجيمدە ٶتٸپ جاتىر. بارلىق تۇتىنۋشى ەلەكتر جەنە جىلۋ ەنەرگيياسىمەن تولىق كٶلەمدە قامتاماسىز ەتٸلگەن. قالعان جٶندەۋ جۇمىستارى رەزەرۆتٸك جابدىقتاردا جٷرگٸزٸلٸپ, جىلۋ بەرۋگە ەسەر ەتپەيدٸ. ٶتكەن جىلمەن سالىستىرعاندا تەحنولوگييالىق بۇزۋشىلىقتار سانى ورتا ەسەپپەن 6%-عا, ال ەلەكتر ستانتسييالارى بويىنشا 8%-عا تٶمەندەدٸ», – دەپ حابارلادى ەرلان اقكەنجەنوۆ.
جىلۋ ەلەكتر ورتالىقتارى مەن مەملەكەتتٸك اۋداندىق ەلەكتر ستانتسييالارىنىڭ قويمالارىندا 5,8 ملن توننا كٶمٸر جەنە 137 مىڭ توننا مازۋت جيناقتالعان. بۇل نورماتيۆتٸك تالاپتارعا تولىق سەيكەس كەلەدٸ. سونىمەن قاتار ٶڭٸرلەرگە 255 مىڭ توننا ەلەۋمەتتٸك مازۋت جٶنەلتٸلۋدە. ەنەرگەتيكالىق كەسٸپورىندار الدىنداعى جالپى دەبيتورلىق بەرەشەك 11%-عا, ياعني 72 ملرد تەڭگەگە دەيٸن تٶمەندەدٸ. مينيستر جەكە سەكتوردى كٶمٸرمەن قامتاماسىز ەتۋ كەزٸندە تاپشىلىققا جول بەرمەۋدٸ تاپسىردى.
«اعىمداعى جىلىتۋ ماۋسىمىندا حالىق پەن كوممۋنالدىق-تۇرمىستىق سەكتوردىڭ كٶمٸرگە دەگەن قاجەتتٸلٸگٸ 7,3 ملن توننانى قۇرايدى. بٷگٸنگٸ تاڭدا ٶڭٸرلەردە 4,5 ملن توننا نەمەسە قاجەتتٸ كٶلەمنٸڭ 62%-ى دايىندالدى. وسىعان بايلانىستى ەكٸمدٸكتەر كٶمٸر قورىن جاساقتاۋدى قامتاماسىز ەتٸپ, ٶڭٸرلەردە نەگٸزسٸز دٷربەلەڭنٸڭ تۋىنداۋىنا جول بەرمەۋ ٷشٸن بارلىق قاجەتتٸ شارانى قابىلداۋى قاجەت», – دەپ اتاپ ٶتتٸ ەنەرگەتيكا مينيسترلٸگٸنٸڭ باسشىسى.
بۇدان بٶلەك, ٶتكەن جازدا «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا قالالارداعى ەڭ ەسكٸ جىلۋ جەلٸلەرٸ جاڭارتىلدى.
«ستەپنوگورسك قالاسىندا 53 جىل پايدالانىلعان 9,5 شاقىرىم جىلۋ جەلٸسٸ قايتا جاڭعىرتىلدى. تالدىقورعاندا 46 جىل قىزمەت ەتكەن قالانىڭ نەگٸزگٸ جىلۋ ماگيسترالٸنٸڭ 3,5 شاقىرىمى جاڭارتىلدى. ال پەتروپاۆلدا 1980 جىلى سالىنعان ماگيسترالدەردٸڭ ەكٸ ۋچاسكەسٸ قايتا جاڭعىرتىلدى. قاراعاندىدا توزۋ دەڭگەيٸ 81%-دى قۇرايتىن جىلۋ ماگيسترالٸن جەنە توزۋ دەڭگەيٸ 92%-عا جەتكەن قاراعايلى ەلەكتر بەرۋ جەلٸسٸن اۋىستىرۋ جۇمىستارى اياقتالدى. بارلىق جوبادا وتاندىق ٶندٸرٸستٸڭ زاماناۋي, ەنەرگييا تيٸمدٸلٸگٸ جوعارى قۇبىرلارى پايدالانىلدى», – دەدٸ مينيستر.
سونىمەن قاتار بيىل استانادا 30 مىڭنان استام ابونەنت قوسىلعان 14 شاقىرىم تاراتۋ ەلەكتر جەلٸسٸ, سونداي-اق باتىس قازاقستان وبلىسىنداعى ەۋە ەلەكتر جەلٸلەرٸ قايتا جاڭعىرتىلدى.
ەلٸمٸزدٸڭ بارلىق ەنەرگەتيكالىق نىسانىندا قاجەتتٸ ماتەريالداردىڭ اپاتتىق قورى جاساقتالىپ, جٶندەۋ بريگادالارى كەزەكشٸلٸك اتقارۋدا.
