قازاقستاندىقتاردىڭ 58 پايىزىندا جەكە جيناق جوق. ال ەربٸر ٷشٸنشٸ وتباسىنىڭ ايلىق تابىسى 150–300 مىڭ تەڭگە ارالىعىندا. بۇل ۇلتتىق بانكتٸڭ قازان ايىندا جٷرگٸزگەن ساۋالناماسىندا بەلگٸلٸ بولدى, دەپ حابارلايدى ult.kz NUR.KZ-كە سٸلتەمە جاساپ.
زەرتتەۋگە قازاقستاننىڭ 18 جاستان اسقان 1500 تۇرعىنى قاتىسقان. ساۋالناما بارىسىندا ازاماتتاردىڭ وتباسىلىق تابىسى, سوڭعى بٸر جىلداعى ماتەريالدىق جاعدايىنىڭ ٶزگەرۋٸ جەنە اقشا جيناعىنىڭ بار-جوعى انىقتالعان.
قازاقستاندىق وتباسىلار قانشا تابىس تابادى?
ساۋالناماعا قاتىسقانداردىڭ ەڭ كٶپ بٶلٸگٸ – 30,4 پايىزى وتباسىنىڭ ايلىق تابىسى 150–300 مىڭ تەڭگە ارالىعىندا ەكەنٸن ايتقان.
ال رەسپوندەنتتەردٸڭ:
- 23,4 پايىزى – 300–500 مىڭ تەڭگە;
- 13,8 پايىزى – 500 مىڭ تەڭگەدەن استام;
- 12,9 پايىزى – 100–150 مىڭ تەڭگە;
- 6,4 پايىزى – 70–100 مىڭ تەڭگە;
- 3,5 پايىزى – 40–70 مىڭ تەڭگە;
- 5,1 پايىزى – 40 مىڭ تەڭگەگە دەيٸن تابىس تاباتىنىن كٶرسەتكەن.
- تاعى 4,6 پايىزى وتباسىلىق تابىسىن ناقتى ايتا الماعان.
ەربٸر ٷشٸنشٸ ادامنىڭ قارجىلىق جاعدايى ناشارلاعان
ساۋالناماعا قاتىسقانداردىڭ 48,9 پايىزى سوڭعى 12 ايدا ماتەريالدىق جاعدايى ايتارلىقتاي ٶزگەرمەگەنٸن ايتقان.
ال 31,3 پايىزى قارجىلىق جاعدايى ناشارلاعانىن مەلٸمدەگەن. تەك 14,8 پايىزى تابىسى جاقسارعانىن جەتكٸزگەن.
وسىلايشا, قارجىلىق جاعدايى ناشارلاعانداردىڭ ٷلەسٸ جاقسارعانىن ايتقانداردان ەكٸ ەسە كٶپ.
قازاقستاندىقتاردىڭ قانشاسىندا اقشا جيناعى بار?
زەرتتەۋدە ازاماتتاردىڭ جەكە جيناعى دا سۇرالعان. نەتيجەسٸندە رەسپوندەنتتەردٸڭ 58 پايىزى اقشا جينامايتىنىن ايتقان. ال 28,8 پايىزىنىڭ جەكە جيناعى بار.
سالىستىرۋ ٷشٸن ايتساق, قىركٷيەك ايىندا اقشا جيناعى جوق ازاماتتاردىڭ ٷلەسٸ 60,3 پايىز بولعان.
ايتا كەتەيٸك, بۇل نەتيجەلەر ساۋالناماعا قاتىسقان ازاماتتاردىڭ جاۋاپتارىن كٶرسەتەدٸ. ونى قازاقستانداعى بارلىق وتباسىنىڭ تابىسى تۋرالى رەسمي ستاتيستيكا دەپ قابىلداۋعا بولمايدى.
