استانادا «سەلەم, قىتاي!» جوباسى شەڭبەرٸندە قىتايدىڭ بايىرعى دا زاماناۋي شاھارلارىنىڭ بٸرٸ — نينبو قالاسىنىڭ مەدەني جەنە تۋريستٸك ەلەۋەتٸن تانىستىرۋعا ارنالعان سالتاناتتى ٸس-شارا ٶتتٸ, دەپ حابارلايدى ult.kz.
ٸس-شارانىڭ اشىلۋىندا سٶز العان قىتاي حالىق رەسپۋبليكاسىنىڭ قازاقستان رەسپۋبليكاسىنداعى ۋاقىتشا سەنٸمدٸ ٶكٸلٸ چەن كەفان مىرزا سوڭعى جىلدارى قازاقستان مەن قىتاي اراسىنداعى ەكٸجاقتى ىنتىماقتاستىقتىڭ بارلىق باعىتى بويىنشا جاڭا ساپالىق دەڭگەيگە كٶتەرٸلٸپ كەلە جاتقانىن اتاپ ٶتتٸ. ونىڭ ايتۋىنشا, مەدەني-گۋمانيتارلىق جەنە تۋريستٸك الماسۋلار ەكٸ ەل اراسىنداعى قارىم-قاتىناستىڭ جارقىن باعىتتارىنىڭ بٸرٸنە اينالىپ, ازاماتتاردىڭ ٶزارا ساپارلارىن جانداندىرۋدا ماڭىزدى رٶل اتقارىپ وتىر.
فوتو: ult.kz
«نينبو قالاسىنىڭ تۋريستٸك جەنە مەدەني ەلەۋەتٸن تانىستىرۋعا ارنالعان ٸس-شاراعا قاتىسۋشىلاردىڭ بارلىعىنا قۋانا سەلەم جولدايمىن. قىتاي حالىق رەسپۋبليكاسىنىڭ قازاقستان رەسپۋبليكاسىنداعى ەلشٸلٸگٸ اتىنان وسى ٸس-شارانىڭ ٶتۋٸمەن شىن جٷرەكتەن قۇتتىقتاپ, الىستان ارنايى كەلگەن نينبو قالاسىنىڭ دەلەگاتسيياسىنا زور العىسىمدى بٸلدٸرەمٸن. قىتاي مەن قازاقستان – ستراتەگييالىق سەرٸكتەستەر. ورتاق شەكارامىز بەن مەدەني دەستٷرلەرٸمٸزدٸڭ جاقىندىعى حالىقتارىمىز اراسىنداعى تەرەڭ دوستىق بايلانىستاردىڭ قالىپتاسۋىنا نەگٸز بولدى», – دەدٸ چەن كەفان.
جيىن اياسىندا قوناقتار نينبونىڭ مىڭجىلدىق تاريحىمەن, بٸرەگەي تابيعاتىمەن جەنە تۋريستٸك مٷمكٸندٸكتەرٸمەن تانىستى.
تانىستىرىلىم بارىسىندا نينبو قالاسىنىڭ شىعىس مۇحيتى جاعالاۋىندا ورنالاسقان, قىتايدىڭ تەڭٸز جٸبەك جولى باستالعان تاريحي دا ماڭىزدى پورتتى شاھار ەكەندٸگٸ اتاپ ٶتٸلدٸ. سولتٷستٸك ەندٸكتٸڭ 30-شى گرادۋسىندا ورنالاسقان بۇل مەكەن — تسزياننان ٶزەن-كٶلدەرٸنٸڭ نەزٸكتٸگٸ مەن مۇحيتتىڭ كەڭدٸگٸن قاتار توعىستىرعان بٸرەگەي ايماق. بٷگٸنگٸ تاڭدا نينبو-چجوۋشان پورتى دٷنيەجٷزٸ بويىنشا 300-دەن استام تەڭٸز باعىتىمەن بايلانىسىپ, جٷك اينالىمى جاعىنان 17 جىل بويى ەلەمدە كٶش باستاپ كەلەدٸ.
فوتو: ult.kz
«ساياحاتشىلار ٷشٸن نينبو — عاجايىپ ەسەر سىيلايتىن تاپتىرماس مەكەن», – دەپ اتاپ ٶتٸلدٸ تانىستىرىلىمدا.
تابيعات پەن دەمالىس: سيانشان جاعالاۋىندا جۇلدىزدى اسپان استىندا تولقىن داۋسىن تىڭداپ دەمالۋعا, ال تاڭ دەۋٸرٸنٸڭ اقىندارى جىرعا قوسقان سىمين تاۋىنىڭ باۋرايىندا تابيعات پەن پوەزييانىڭ ٷيلەسٸمٸن سەزٸنۋگە بولادى.
مىڭجىلدىق مەدەنيەت: قالانىڭ 10 000 جىلدىق مەدەني, 2 500 جىلدىق پورتتىق جەنە 1 200 جىلدىق قالالىق تاريحى بار. مۇندا ازيياداعى ەڭ كٶنە جەكە مەنشٸك كٸتاپحانالاردىڭ بٸرٸ — تياني كٸتاپحاناسى مەن 7 000 جىلدىق تيانلوۋشان مەدەنيەتٸنٸڭ ٸزدەرٸ ساقتالعان.
عاجايىپ دەم مەن دەمالىس: شاھار قوناقتارى 500-دەن استام تەڭٸز تاعامدارىنىڭ دەمٸن تاتىپ, دەستٷرلٸ نينبو كٷرٸش شارلارىنان اۋىز تيە الادى. سونىمەن قاتار, ساياحاتشىلار ٷشٸن زاماناۋي قوناق ٷيلەر, تاۋلى شيپاجايلار, مۇراجايلار, تاۋعا شىعۋ جەنە اۆتوجارىس سيياقتى بەلسەندٸ دەمالىس تٷرلەرٸ ۇسىنىلادى.
قازاقستاندىق ساياحاتشىلار مەن حالىقارالىق قوناقتار ٷشٸن نينبودا ارنايى تۋريستٸك باعىتتار ەزٸرلەنگەن. ونىڭ ٷستٸنە نينبو — شەتەلدٸك ساياحاتشىلار ٷشٸن 240 ساعاتتىق ترانزيتتٸك ۆيزاسىز رەجيم قولدانىلاتىن قالالاردىڭ بٸرٸ.
فوتو: ult.kz
استاناداعى قىتاي مەدەني ورتالىعىنىڭ ديرەكتورى ۆان تسينپين مىرزا دا ەكٸ ەل اراسىنداعى مەدەني بايلانىستىڭ ماڭىزدىلىعىنا توقتالىپ ٶتتٸ:
«نينبو – بۇل كٶرٸكتٸ دە كٶنە قالا. مۇندا ۇزاق جىلدار بويى قالىپتاسقان مەدەنيەت پەن تاريحتىڭ ٸزدەرٸ بار. گونكونگ, شانحاي سيياقتى جەرلەر ونىڭ ەلەمگە اشىلۋىنا مٷمكٸندٸك بەردٸ. قالانىڭ تابيعاتى مەن ەسەم تاۋلارى, تازا اۋاسى, اۋىلدىق ٶمٸرٸ – مۇنىڭ بەرٸ نينبونىڭ ەرەكشە جەرگٸلٸكتٸ مەدەنيەتٸن كٶرسەتەدٸ. بٷگٸن بٸزگە ەرەكشە قوناقجاي, تۋريستەردٸ قۇشاق جايا قارسى الاتىن نينبو قالاسىن تانىستىردى. سوڭعى جىلدارى ەكٸ ەل اراسىنداعى گۋمانيتارلىق بايلانىستار مەن قارىم-قاتىناستار دامىپ كەلەدٸ. كٶپتەگەن دوستارىمىز ساياحات ارقىلى بٸر-بٸرٸنٸڭ مەدەنيەتٸن تانىپ, ٶمٸر سالتىن تٷسٸنگٸسٸ كەلەدٸ. بٸزدٸڭ ورتاق ماقساتىمىز – ەكٸ ەل اراسىنداعى قارىم-قاتىناستى نىعايتۋ, سونداي-اق تۋريستٸك بايلانىستاردى كەڭەيتۋ. بٷگٸنگٸ ٸس-شارا ارقىلى دوستارىمىز نينبو قالاسى تۋرالى كٶبٸرەك بٸلٸپ, ەكٸ ەل اراسىنداعى بايلانىستاردى نىعايتۋعا ٷلەس قوسادى دەپ سەنەمٸن», –دەدٸ ۆان تسينپين.
پرەزەنتاتسييانىڭ شارىقتاۋ شەگٸ ەسەرلٸ كونتسەرتتٸك قويىلىم بولدى. ٸس-شارا قوناقتارىنا ارنالعان مەدەني باعدارلاما اياسىندا قىتايدان كەلگەن كەسٸبي ەرتٸستەر بي جەنە ۆوكالدىق ٶنەرٸن پاش ەتتٸ. ولار شىعىس مەدەنيەتٸنٸڭ ٶزٸندٸك بولمىسى مەن ەستەتيكاسىن بەينەلەيتٸن ەسەم حورەوگرافييالىق قويىلىمدار ۇسىنىپ, ەن ٶنەرٸنەن دە كٶرەرمەندەرگە ەرەكشە ەسەر سىيلادى.
فوتو: ult.kz
فوتو: ult.kz
سونىمەن قاتار كەلۋشٸلەرگە نينبودان ەكەلٸنگەن كەدەسىيلار مەن سارقىتتار ۇسىنىلدى. قوناقتار قىتاي شايى مەن تەتتٸلەرٸنەن دەم تاتىپ, كەدەسىيلاردى ەستەلٸككە الدى.
فوتو: ult.kz
استانادا ٶتكەن بۇل ٸس-شارا قازاقستان مەن قىتاي حالىقتارىنىڭ ٶزارا جاقىنداسۋ جولىنداعى تاعى بٸر ماڭىزدى قادامعا اينالىپ, تۋريزم, مەدەنيەت جەنە بٸلٸم بەرۋ سالالارىنداعى ىنتىماقتاستىقتىڭ جاڭا مٷمكٸندٸكتەرٸنە جول اشتى.
