Qazaqstandyq ánshi Dimash Qudaibergenniń oryndaýyndaǵy jańa «AQERKE» kompozitsiiasy Belgiianyń Lej qalasyndaǵy AFM Radio efirinen berildi, dep habarlaidy ult.kz, DimashNews saityna silteme jasap.
Málimetke sáikes, bul - Dimashtyń shyǵarmalarynyń Belgiia radiosynda alǵash ret shyrqalýy emes. Dears fan-klýbynyń kópjyldyq qoldaýynyń arqasynda ánshiniń 60-tan astam týyndysy Belgiiadaǵy túrli radiostantsiialardyń efirinen tyńdarmanǵa jol tartqan.
Sonymen qatar buǵan deiin AFM Radio efirinde qazaqstandyq ónerpazdyń shyǵarmashylyǵyna arnalǵan eki saǵattyq arnaiy baǵdarlamalar da uiymdastyrylǵan.
Aita keteiik, «AQERKE» - Dimash Qudaibergenniń tyńdarmanǵa jaqynda ǵana usynylǵan jańa ánderiniń biri. Kompozitsiia sheteldik radiostantsiia efirinen oryn alyp, qazaqstandyq ánshiniń halyqaralyq aýditoriia arasyndaǵy tanymaldylyǵynyń artyp kele jatqanyn taǵy bir márte kórsetti.
