Қазақстан Тәуелсіздігіне 25 жыл

Bir qońyraý – 4 million shyǵyn: SQO-da muǵalim alaiaqtarǵa aldandy

Bir qońyraý – 4 million shyǵyn: SQO-da muǵalim alaiaqtarǵa aldandy
naryk.kz

Soltústik Qazaqstan oblysynda alaiaqtar muǵalimdi aldap, 4 million teńgesin iemdengen. Qylmyskerler aldymen ózin Egov qyzmetkeri retinde tanystyryp, keiin jalǵan nesie týraly aityp, aqshasyn «qaýipsiz» shotqa aýdarýǵa kóndirgen, dep habarlaidy ult.kz.

Oblystyq politsiia departamentiniń málimetinshe, áielge belgisiz adam habarlasyp, elektrondyq tsifrlyq qoltańbasynyń (ETsQ) merzimi aiaqtalǵanyn aitqan. Ony uzartý úshin telefonǵa kelgen SMS-kodty suraǵan.

Osydan keiin jábirlenýshige ózin Egov qyzmetkeri dep tanystyrǵan alaiaqtar qaita habarlasqan. Olar áieldiń atyna jalǵan nesie rásimdelgenin aityp, qaryzdy joiý úshin «ainalyq nesie» alýdy jáne aqshany qaýipsiz shotqa aýdarýdy usynǵan. Muǵalim olardyń sózine senip, 4 million teńgesin aýdaryp jibergen.

Qazir atalǵan fakti boiynsha tergeý júrip jatyr. Politseiler alaiaqtar alǵan aqshany uiymdastyrýshylarǵa jetkizgen tórt dropperdi anyqtady. Olardyń ekeýi Qazaqstanda, qalǵan ekeýi Ózbekstanda turady.

Politsiianyń habarlaýynsha, jábirlenýshi keltirilgen shyǵyndy azamattyq-quqyqtyq tártippen óndirip alýǵa quqyly.