Қазақстан Тәуелсіздігіне 25 жыл

16,6 million qazaqstandyqtyń jeke deregi darknette satylymǵa qoiylǵan

16,6 million qazaqstandyqtyń jeke deregi darknette satylymǵa qoiylǵan
ashyq derekkóz

Qazaqstan Joǵarǵy Sotyna tiesili delingen 507 million jazbadan turatyn derekqor darknette 50 myń dollarǵa satylymǵa shyǵarylǵan. Belgisiz satýshy bazada 16,6 million qazaqstandyqtyń jeke málimeti baryn málimdegen, dep habarlaidy ult.kz.

SOCRadar kiberqaýipsizdik mamandarynyń málimetinshe, derekqorda azamattardyń JSN-deri, pasport málimetteri, sot qujattary men kompaniialarǵa qatysty aqparat bolýy múmkin. Alaida onyń Qazaqstan Joǵarǵy Sotyna tiesili ekeni ázirge rastalmaǵan.

Sonymen qatar darknette Daxus platformasyna qatysty 2,96 million login men parol jáne Telegram-nyń 26,5 million qoldanýshysyna qatysty málimet satylymǵa qoiylǵany anyqtalǵan.

Mamandar mundai aqparat rastalǵan jaǵdaida alaiaqtyq pen akkaýnttardy zańsyz iemdený qaýpi artýy múmkin ekenin eskertedi. Telegram derekteriniń taralýy messendjer júiesiniń buzylǵanyn bildirmeidi.

Eske salsaq, buǵan deiin Bas prokýratýraǵa «Iandeks» servisterindegi aqaý men qazaqstandyqtardyń jeke derekteriniń ashyq jariialanýyna bailanysty tekserý júrgizý tapsyrylǵan edi.