Tanymal ánshi Beibit Qorǵan áleýmettik jelide jeke ómirin jii jariialaityn shoý-biznes ókilderine qatysty pikir bildirdi. Óner iesi kúndelikti ishken-jegenin, otbasy men bala-shaǵasyn kópshilikke kórsetip, maqtanatyn áriptesteriniń áreketin qoldamaitynyn aitty, dep habarlaidy ult.kz.

Ánshi bul týraly "Kezdesu" YouTube jobasyna bergen suhbatynda aitty. Áńgime barysynda ol shyǵarmashylyq jolyn eske alyp, qazirgi estradadaǵy ózgeristerge qatysty oiyn ortaǵa saldy.
"Beibit Qorǵan bolyp tanylǵanym sol 2000 jyldan bastaldy", – dedi óner iesi.
Osy tusta júrgizýshi ánshiden sodan bergi ýaqytta otandyq estradada ózi qabyldai almaǵan qandai qubylystar bolǵanyn surady.
Beibit Qorǵan keibir óner adamdarynyń áleýmettik jelidegi áreketterin túsinbeitinin jetkizdi. Ásirese jeke ómirin kópshilikke kórsetip, kúndelikti tirshiligin jariialaityn ánshilerge qatysty pikir bildirdi.
"Jasandy bolyp júretinder kóp qoi. Biraq keibir ánshiler jeke ómirin kórsete bastaidy. Bala-shaǵasyn, búitip jatyrmyn, súitip jatyrmyn degendei. Men ony qoldamaimyn. Sebebi oǵan zar bolyp júrgen adam qanshama. Tamaq jegenderin kórsetedi, sony jei almai júrgender de bar degendei", – dedi ánshi.
Óner iesiniń aitýynsha, áleýmettik jelide óziniń turmysyn, ishken tamaǵyn nemese otbasylyq ómirin kórsetý ózgelerdiń jaǵdaiyn eskermeý bolýy múmkin. Ol mundai jazbalardy jariialaǵanda qarapaiym halyqtyń turmysyn da oilaý qajet dep esepteidi.

Suhbat barysynda júrgizýshi tyńdarman úshin tanymal adamdardyń sahna syrtyndaǵy ómiri de qyzyq ekenin aitty. Alaida Beibit Qorǵan óner adamynyń shyǵarmashylyǵyn bilý jetkilikti degen pikirin jetkizdi.
"Árine, qyzyq. Biraq sol óner adamyn bilseń jetkilikti ǵoi. Onyń ar jaǵyndaǵy balasy men týystaryn qaitesiń?" – dedi ol.
Osylaisha, ánshi óner adamdarynyń áleýmettik jelidegi belsendiligine qatysty óz ustanymyn bildirdi. Onyń pikirinshe, kópshilikke tanymal bolý jeke ómirdiń barlyq sátin jariialaýdy mindettemeidi.
Ánshiniń bul pikiri áleýmettik jelide de nazar aýdardy. Keibir jeli qoldanýshylary onyń sózin belgili ánshi Qairat Nurtastyń otbasyna qatysty aitylǵan bolýy múmkin dep boljaǵan. Alaida Beibit Qorǵan suhbat barysynda naqty bir áriptesiniń esimin atamaǵan.