Belgili ázilkesh Tursynbek Qabatovtyń qyzy Aiym Amanǵalidyń bala kúninde Qazaqstannyń tuńǵysh prezidenti Nursultan Nazarbaevpen birge kópshilik aldyna shyqqany belgili boldy, dep habarlaidy ult.kz.
Áleýmettik jelide jas ónerpaz Aiym Amanǵalidyń ómirindegi erekshe sátterge arnalǵan jazba jariialandy. Onda onyń 2017 jyly Astanada ótken EXPO halyqaralyq kórmesinde Nursultan Nazarbaevpen kezdeskeni aitylǵan.
Jariialanǵan sýrette Aiymnyń kók tústi sahnalyq kiim kiip, sol kezdegi memleket basshysynyń qolynan ustap turǵanyn kórýge bolady. Jazba avtorlary bul oqiǵany ónerpazdyń ómirindegi eń este qalarlyq sátterdiń biri retinde sipattaǵan.
“EXPO-2017 halyqaralyq kórmesinde Nursultan Nazarbaevpen júzdesip, halyq aldyna qol ustasyp shyqqan! Aiymnyń ómirindegi este qalarlyq sátterdiń biri — EXPO-2017 halyqaralyq kórmesi aiasynda Nursultan Ábishuly Nazarbaevpen júzdesýi. Sol saltanatty sharada Aiym Elbasynyń qolynan ustap, kópshilik aldyna shyqqan”, – delingen jazbada.
Tursynbek Qabatov kim?
Tursynbek Qabatov — qazaqstandyq tanymal ázilkesh, akter, telejúrgizýshi jáne prodiýser. Ol 1979 jyly 10 qazanda Batys Qazaqstan oblysynda dúniege kelgen. Óner jolyn KVN sahnasynan bastap, keiin jeke ázil-syqaq baǵdarlamalary arqyly kópshilikke tanyldy.

Tursynbek Qabatov otbasylyq qarym-qatynas, erli-zaiyptylar arasyndaǵy túsinistik, bala tárbiesi jáne qoǵamdaǵy ózekti máselelerdi ázilmen jetkizýimen erekshelenedi.

Ol “Ázil álemi” jobasy arqyly da keńinen tanylǵan. Ázilkeshtiń jubaiy — Móldir Muqan. Ekeýiniń bes balasy bar. Olardyń qyzy Aiym Amanǵali da ónerge jaqyn bolyp, jas kezinen sahnalyq is-sharalarǵa qatysqan.