Қазақстан Тәуелсіздігіне 25 жыл

Jeli qoldanýshysy Dimash Qudaibergenge shúilikti

Jeli qoldanýshysy Dimash Qudaibergenge shúilikti
Foto: Neirojeli arqyly jasaldy

Álemge tanymal qazaqstandyq ánshi Dimash Qudaibergen áleýmettik jelide synǵa qaldy, dep habarlaidy ult.kz.

TikTok jelisinde Malikagulshat89 esimimen tirkelgen áiel óner iesiniń sheteldegi shyǵarmashylyǵyna narazylyq bildirip, oǵan qazaq halqyna qyzmet etý kerektigin aitty. 

Áleýmettik jelide taraǵan beinejazbada áiel Dimash Qudaibergenniń óner jolyna qatysty pikirin ashyq jetkizgen. Ol ánshiniń shetelde óner kórsetýin synǵa alyp, elge óner adamdarynan góri áskeri qyzmetkerler qajet ekenin aitqan.

“Qazaqqa qyzmet et, Qytaiǵa emes. Toqaevtyń qasynda júrip, opera aityp júrsiń. Bizdiń elde opera aitatyn operashy emes, áskerler kerek”, – deidi áiel beinejazbada.

Onyń sózinen Dimashtyń halyqaralyq sahnadaǵy qyzmetine kóńili tolmaitynyn ańǵarýǵa bolady. Áiel óner iesiniń shetelde tanymal bolýynan buryn Qazaqstanǵa paidasyn tigizýi mańyzdy degen ustanymyn bildirgen.

Aita keteiik, Dimash Meksikadaǵy mýraldy kórip, áserin bólisti.

Dimash Qudaibergen kim?

Dimash Qudaibergen – qazaqstandyq ánshi, kompozitor, halyqaralyq deńgeide tanylǵan óner iesi. Ol 1994 jyly 24 mamyrda Aqtóbe qalasynda dúniege kelgen. Tolyq aty-jóni – Dinmuhammed Qanatuly Qudaibergen.

Ánshi ónerli otbasynda tárbielengen. Ákesi Qanat Aitbaev pen anasy Svetlana Aitbaeva da mýzyka salasynda eńbek etedi. Dimash bala kezinen án aityp, mýzykalyq bilim alǵan. Keiin Qudaibergen Jubanov atyndaǵy Aqtóbe óńirlik ýniversitetinde jáne Qazaq ulttyq óner ýniversitetinde bilimin jalǵastyrǵan.

Ol 2015 jyly Belarýs elinde ótken “Slavian bazary” halyqaralyq baiqaýynda bas júldeni jeńip aldy. Al 2017 jyly Qytaidaǵy Singer mýzykalyq jobasyna qatysyp, ekinshi oryn ielendi. Osy baiqaýdan keiin onyń tanymaldyǵy artyp, álemniń kóptegen elinde jankúierleri paida boldy.

Dimash Qudaibergen keń daýys diapazonymen jáne túrli mýzykalyq janrda án oryndaý qabiletimen erekshelenedi. Ol qazaq, orys, aǵylshyn, qytai, frantsýz jáne basqa da tilderde án shyrqaidy. Repertýarynda “Umytylmas kún”, “Daididaý”, “Mahabbat ber maǵan”, “SOS d’un terrien en détresse” jáne “Stranger” sekildi tanymal shyǵarmalar bar.

Ánshi Qytai, AQSh, Ulybritaniia jáne basqa da memleketterde kontsert berip, halyqaralyq mýzykalyq jobalarǵa qatysqan. Ol sheteldik sahnalarda qazaq tilindegi ánderdi oryndap, Qazaqstannyń mádenietin tanystyryp keledi. Sonymen qatar Dimash Qudaibergen Qazaqstannyń eńbek sińirgen qairatkeri ataǵyna ie.