ەلەمگە تانىمال قازاقستاندىق ەنشٸ ديماش قۇدايبەرگەن ەلەۋمەتتٸك جەلٸدە سىنعا قالدى, دەپ حابارلايدى ult.kz.
TikTok جەلٸسٸندە Malikagulshat89 ەسٸمٸمەن تٸركەلگەن ەيەل ٶنەر يەسٸنٸڭ شەتەلدەگٸ شىعارماشىلىعىنا نارازىلىق بٸلدٸرٸپ, وعان قازاق حالقىنا قىزمەت ەتۋ كەرەكتٸگٸن ايتتى.
ەلەۋمەتتٸك جەلٸدە تاراعان بەينەجازبادا ەيەل ديماش قۇدايبەرگەننٸڭ ٶنەر جولىنا قاتىستى پٸكٸرٸن اشىق جەتكٸزگەن. ول ەنشٸنٸڭ شەتەلدە ٶنەر كٶرسەتۋٸن سىنعا الىپ, ەلگە ٶنەر ادامدارىنان گٶرٸ ەسكەري قىزمەتكەرلەر قاجەت ەكەنٸن ايتقان.
“قازاققا قىزمەت ەت, قىتايعا ەمەس. توقاەۆتىڭ قاسىندا جٷرٸپ, وپەرا ايتىپ جٷرسٸڭ. بٸزدٸڭ ەلدە وپەرا ايتاتىن وپەراشى ەمەس, ەسكەرلەر كەرەك”, – دەيدٸ ەيەل بەينەجازبادا.
ونىڭ سٶزٸنەن ديماشتىڭ حالىقارالىق ساحناداعى قىزمەتٸنە كٶڭٸلٸ تولمايتىنىن اڭعارۋعا بولادى. ەيەل ٶنەر يەسٸنٸڭ شەتەلدە تانىمال بولۋىنان بۇرىن قازاقستانعا پايداسىن تيگٸزۋٸ ماڭىزدى دەگەن ۇستانىمىن بٸلدٸرگەن.
ايتا كەتەيٸك, ديماش مەكسيكاداعى مۋرالدى كٶرٸپ, ەسەرٸن بٶلٸستٸ.
ديماش قۇدايبەرگەن كٸم?
ديماش قۇدايبەرگەن – قازاقستاندىق ەنشٸ, كومپوزيتور, حالىقارالىق دەڭگەيدە تانىلعان ٶنەر يەسٸ. ول 1994 جىلى 24 مامىردا اقتٶبە قالاسىندا دٷنيەگە كەلگەن. تولىق اتى-جٶنٸ – دٸنمۇحاممەد قاناتۇلى قۇدايبەرگەن.

ەنشٸ ٶنەرلٸ وتباسىندا تەربيەلەنگەن. ەكەسٸ قانات ايتباەۆ پەن اناسى سۆەتلانا ايتباەۆا دا مۋزىكا سالاسىندا ەڭبەك ەتەدٸ. ديماش بالا كەزٸنەن ەن ايتىپ, مۋزىكالىق بٸلٸم العان. كەيٸن قۇدايبەرگەن جۇبانوۆ اتىنداعى اقتٶبە ٶڭٸرلٸك ۋنيۆەرسيتەتٸندە جەنە قازاق ۇلتتىق ٶنەر ۋنيۆەرسيتەتٸندە بٸلٸمٸن جالعاستىرعان.

ول 2015 جىلى بەلارۋس ەلٸندە ٶتكەن “سلاۆيان بازارى” حالىقارالىق بايقاۋىندا باس جٷلدەنٸ جەڭٸپ الدى. ال 2017 جىلى قىتايداعى Singer مۋزىكالىق جوباسىنا قاتىسىپ, ەكٸنشٸ ورىن يەلەندٸ. وسى بايقاۋدان كەيٸن ونىڭ تانىمالدىعى ارتىپ, ەلەمنٸڭ كٶپتەگەن ەلٸندە جانكٷيەرلەرٸ پايدا بولدى.
ديماش قۇدايبەرگەن كەڭ داۋىس دياپازونىمەن جەنە تٷرلٸ مۋزىكالىق جانردا ەن ورىنداۋ قابٸلەتٸمەن ەرەكشەلەنەدٸ. ول قازاق, ورىس, اعىلشىن, قىتاي, فرانتسۋز جەنە باسقا دا تٸلدەردە ەن شىرقايدى. رەپەرتۋارىندا “ۇمىتىلماس كٷن”, “دايديداۋ”, “ماحاببات بەر ماعان”, “SOS d’un terrien en détresse” جەنە “Stranger” سەكٸلدٸ تانىمال شىعارمالار بار.
ەنشٸ قىتاي, اقش, ۇلىبريتانييا جەنە باسقا دا مەملەكەتتەردە كونتسەرت بەرٸپ, حالىقارالىق مۋزىكالىق جوبالارعا قاتىسقان. ول شەتەلدٸك ساحنالاردا قازاق تٸلٸندەگٸ ەندەردٸ ورىنداپ, قازاقستاننىڭ مەدەنيەتٸن تانىستىرىپ كەلەدٸ. سونىمەن قاتار ديماش قۇدايبەرگەن قازاقستاننىڭ ەڭبەك سٸڭٸرگەن قايراتكەرٸ اتاعىنا يە.